Aurretiko izen-ematea
 

• Noiz: martxoaren 13tik 22ra.
• Non: online eta Udako Programen Bulegoan (Gaztegune: Anoeta pasealekua, 28 - Donostia. Astelehenetik ostiralera: goizez itxita dago baina telefonoko arreta dago 10:30etatik 14:00etara. Arratsaldez, 16:30etatik 20:00etara, aurrez aurreko eta telefonoko arreta dago) eta kanpainan parte hartzen duten udal-bulegoetan.
• Erreklamazioak egin ahal izango dira. Horretarako, zozketarako onartutakoen izenak jarriko dira eskaera aurkeztu den tokietan eta Interneten. Erreklamazio-egunak:  Apirilak 8 eta 9.

 Plazak izendatzea

Plaza guztiak apirilaren 15ean banatuko dira jendearen eta notarioaren aurreko zozketa bidez, arratsaldeko 16:15etan (emaitzak ikusgai apirilaren 16an). 

Eskaera banaka eta taldeka egin daiteke (taldeko 3 neska-mutil gehienez) eta, plaza lortzeko orduan aukera-berdintasuna bermatzearren, gazte bakoitzeko eskaera-orri bakarra onartuko da. Eskaera-orri bat baino gehiago agertuz gero, eskaera baliogabetu egingo da.

Ahalik eta gazte gehienek Gazte Oporraldietan parte hartzeko aukera izan dezaten, plazak esleitzean lehentasuna emango zaie aurreko urteetan parte hartu ez zutenei.

 Izen-ematea

Zozketaren emaitzak aipatutako bulegoetan jarriko dira.

Zozketan plaza lortu dutenek behin betiko izen-ematea apirilaren 16tik 26ra bitarte egin beharko dute.

Behin betiko izena emateko epea bukatu denean, zozketan plaza lortu duen norbaitek ordainketa egin ez badu, plaza horri uko egin diola ulertuko dugu.

Izen-ematea nola egin 

1. Online: Behin betiko izen-ematea on line egiteko identifikazio elektronikoa behar da (B@kQ...). Gure web orrian aurkituko duzu aktibatzeko beharrezkoa den informazioa. 
2. Paperean: Gipuzkoako Foru Aldundiko Udako Programen Bulegoan (Gaztegune: Anoeta pasealekua, 28 - Donostia. Astelehenetik ostiralera: goizez itxita dago baina telefonoko arreta dago 10:30etatik 14:00etara. Arratsaldez, 16:30etatik 20:00etara, aurrez aurreko eta telefonoko arreta dago).