Udalekuak 2025

"Udalekuak" Araba, Bizkaia eta Gipuzkoako Foru Aldundien artean antolatutako programa da. 7tik 13 urtera arteko haurrentzat da, eta bertan parte hartzen dutenek aukera paregabea dute aisiako jarduera hezitzaileez gozatzeko.

Udalekuen bitartez, jolaserako, dibertsiorako eta bizikidetzarako leku bat eskaini nahi zaie haurrei, beren gozamenerako eta autonomia pertsonala finkatzeko.

Aurten berriro ere udalekuez gozatzeko aukera izango duzue, jolasaz, dibertsioaz, bizikidetasunaz... eta hori guztia lagunekin partekuko duzue. Eskaintza paregabea dugu Gipuzkoako haurrentzat. Ausartzen al zarete gurekin bizitzera?

Izena emateko datak

Aurretiko izen-ematea: martxoaren 18tik 28ra.
Erreklamazio-egunak: Martxoak 31 eta apirilak 1.
Zozketa: apirilak 3 (emaitzak ikusgai apirilaren 4tik aurrera).
Behin betiko izen-ematea: apirilaren 4tik 16ra bitartean.

Izena eman!

Udalekuetan izena eman nahi duzu? Oso erraza da, jarraitu bideoko urratsak.

Bi hizkuntza ereduren artean aukera daiteke.

Euskara: parte-hartzaileek beren taldekide zein begiraleekin euskaraz jarduteko gai izan behar dute. Guraso edo tutoreek erabakita, euskara izango da parte-hartzaileek nahitaez erabili beharko duten hizkuntza.
Elebiduna: umeek euskara nahiz gaztelania erabili ahal izango dute.

Hizkuntza-eredua aukeratzerakoan umearen errealitatearekin bat datorrena hartzea gomendatzen dugu; izan ere, gaizki egindako hautaketak, aisiarako eta gozamenerako izan behar duten egunak esperientzia txar bihurtzea eragin dezake.

Plaza-kopuruaren % 5 hezkuntza-premia bereziak dituztenentzat gordeko da. Foru Agindua eskuratu!. Leiho berrian irekiko da.

Kontsulta, kexa nahiz iradokizun bat egin edo zure iritzia utzi nahi baduzu, formularioa bete.

Aurretiko izen-ematea

Noiz: Martxoaren 18tik 28ra.
Non: Online , Udako Programen Bulegoan (Gaztegune: Anoeta pasealekua, 28 - Donostia. Astelehenetik ostiralera: goizez itxita dago baina telefonoko arreta dago 10:30etik 14:00etara. Arratsaldez, 16:30etik 20:00etara, aurrez aurreko eta telefonoko arreta dago) eta kanpainan parte hartzen duten udal-bulegoetan.
Erreklamazio-egunak: Martxoak 31 eta apirilak 1ean erreklamazioak egin ahal izango dira. Horretarako, zozketarako onartutakoen izenak jarriko dira eskaera aurkeztu den tokietan.

Izena eman!

*Plaza guztiak apirilaren 3an banatuko dira jendearen eta notarioaren aurreko zozketa bidez (emaitzak ikusgai apirilaren 4tik aurrera). Aurretiko izen-ematea online egin dutenek soilik kontsultatu dezakete plaza egokitu zaien ala ez Internetez. Izena bi edo hiruko taldean eman dutenen kasuetan izen-ematea egin duen pertsonak bakarrik ikusi ahalko du emaitza. Zalantzarik izanez gero, jarri harremanetan Udalekuetako bulegoarekin. (Tel. 943 445 980 - udalekuak@gipuzkoa.eus)

Harremanetarako

+−

Helbidea

Gaztegune Anoeta pasealekua 28 20014, Donostia

Telefono zenbakia

943 445 980

Neguko ordutegia, astelehenetik ostiralera: goizez itxita. Telefonoko arreta 10:30etatik 14:00etara. Arratsaldez 16:30etatik 20:00etara, aurrez aurreko eta telefonoko arreta.

Uztaila eta abuztuan, astelehenetik ostiralera: arratsaldez itxita. 9:30etatik 14:00etara aurrez aurreko eta telefonoko arreta.

Helbide elektronikoa:

udalekuak@gipuzkoa.eus