Gipuzkoako haur eta nerabeen bizitzako beste alderdi batzuk

Indarkeriarik ohikoena hitzezkoa da (% 26,8k esan du azken hilabetean bitan edo gehiagotan irainak jaso dituela), eta ondoren, fisikoa (% 21,1) eta marjinazioa eta isolamendua (% 15,1). Badirudi hedatuago dagoela beren burua ez-binariotzat jotzen dutenen artean. 

12 urtetik gorako neskek eta mutilek sexuari buruzko informazioa bilatzen dutenean, lagunengana (% 30,4) jotzen dute gurasoengana (% 16,9) edo Internetera (% 12,6) baino lehen. Bikotekidearekin lotutako gaiak (% 30,3) eta sexu-aniztasuna (% 17,8) dira interes handiena sortzen dutenak.

Nesken % 54,7 nahiko edo asko kezkatzen ditu desberdintasunak eta matxismoak, eta aldiz mutilen % 37,7.

Bi haur edo nerabetik ia batek nahiago du euskara erabili, gaztelania baino, lagunekin hitz egiteko. Euskararen erabilera errotuago dago udalerri txikietan (haur eta nerabeen % 70ek nahiago du euskara erabili) handietan baino (% 41,2).

Gipuzkoako haur eta nerabeen % 60 inguruk ez daki zein diren Haurren Eskubideei buruzko Konbentzioan jasotako eskubideak.