Nerabezaroan gertatzen diren aldaketa fisiko, psikologiko, emozional eta sozialerako bidelaguntza eskaintzea.

Gorputz guztiak bereziak eta bakarrak direla onartu eta aitortzea. 

Norbere gorputzaren pertzepzio positiboa indartzea.

Gorputza harremanak izateko  eta ongizaterako iturri gisa ulertzea.

Gailentzen diren edertasun ereduekiko ikuspegi kritikoa sustatzea.

Fantasiak eta desira sexualak naturalak eta aldakorrak eta bizitza osoan zehar gertatzen direla ulertzea.

Fantasia sexualek norberaren autoezagutzan eta eszitazioan laguntzen dutela transmititzea.

Identitate sexualaren, genero-identitatearen eta identitate digitalaren eraikuntzan zaintzea eta laguntzea. 

Ahalduntze pertsonala sustatzea.

Nerabezaroan eta sexualitatearekin lotutako erabaki eta jokabideetan gertatzen den berdinen taldearen eragina aztertzea.

Sexualitatea modu positiboan eta gozamenetik bizitzeko tresnak eskuratzea.

Sexu-osasuna sustatzea sarketa-praktiketatik at geratzen diren sexu-jokabideen ugaritasuna, aniztasuna eta plazera emateko gaitasuna adieraziz.

Pertsona autonomoak eta arduratsuak izateko trebatzea.

Mito erromantikoei aurre egitea.

Elkar zaintzan eta parekidetasunean oinarritutako bikote harremanak taxutzeko baliabideak erraztea.

Sexu- eta genero-aniztasuna modu positiboan ulertzea eta aniztasunarekiko eskubideak aitortzea.

Sare sozialen erabilera arduratsua sustatzea.

Komunikatzeko gaitasunak indartzea.

Kulturak, erlijioak eta jendarteak sexualitatea ulertzeko moduan duten eragina aztertzea.

Geure buruaz, sentimenduez eta gorputzez ikasten laguntzeko, informazio-iturri egokiak eskura jartzea.

Informazio-iturri ezberdinen eragina eta ondorioak ezagutzea.

Infoxikazioari aurre egiteko baliabideak eskaintzea.

Estereotipo sexistetan sozializatuak izateak sexualitate-eremuan dakartzan arauei buruzko hausnarketa bultzatzea.

Emakumeak objektu sexual izatetik norberaren gorputzaren eta sexualitatearen jabe izatera bultzatzea.

Gizonen desira-subjektuaren eredua zalantzan jartzea eta sexualitatearen alderdi emozionalean sakontzea.

Indarkeria matxistaren baitan, indarkeria sexistaz gain, beste hainbat indarkeria (genero-indarkeria, familia barruko indarkeria sexista, sexu-indarkeria, jazarpen sexista) identifikatzeko eta aurre egiteko gaitzea.