Haurrek eta nerabeek bizitzeko, osotasun fisikoa eta psikikoa izateko eta tratu ona jasotzeko eskubidea dute.

“… bereziki, tratu ontzat joko da pertsona adingabeei behar duten laguntza, zaintza eta babesa ematera bideratutako portaera, haien oinarrizko premia fisikoak, emozionalak, kognitiboak, sozialak eta afektibo-sexualak asetzen eta gaitasunak garatzen laguntzen duena, aukerak sustatuz eta emanez haien autonomia eta norberaren buruarekiko eta gaitasunekiko konfiantza progresiboki areagotzeko. Horretarako, afektua, laguntza, komunikazioa, konpainia, eguneroko bizitzako inplikazioa, elkarrekiko errespetua, gatazken konponbide baketsua, eredu egokiak, orientazioa eta gainbegiratzea emango zaizkie.”

Irakurri 27. artikulua

(27. artikulua. 2/2024 Legea, otsailaren 15ekoa, Haur eta Nerabeena)

Haurrek eta nerabeek eskubidea dute beren bizitzako eremu guztietan tratu onekoak eta inklusiboak diren inguruneetan bizitzeko eta garatzeko.

Irakurri 38. artikulua

(38. artikulua. 2/2024 Legea, otsailaren 15ekoa, Haur eta Nerabeena)

Aisia hezigarriko jardueretan parte hartzea ezinbestekotzat jotzen da haurren eta nerabeen sozializazio prozesurako, bizitzarako funtsezkoak diren gaitasunak, jarrerak eta trebetasunak eskuratzea ahalbidetzen baitu.

“Aisia hezigarritzat hartzen da garapen integralari laguntzen dioten aisialdiko jardueren multzoa; jarduera horiek haur eta nerabeak parte hartzeko ohituretan, ingurumena errespetatzeko ohituretan edo konpromiso, elkartasun eta gizarte-inklusiorako balioetan heziko dituzte, eta haur eta nerabeei berdinen arteko harremanak eta gizarte-gaitasuneko trebetasunez jabetzen lagunduko diete.”

Irakurri 35. artikulua

(35. artikulua. 2/2024 Legea, otsailaren 15ekoa, Haur eta Nerabeena)

Indarkeriak haurrei eta nerabeei eskubideak eta ongizatea kentzen dizkie.

“Indarkeriatzat joko da heldu batek edo pertsona adingabe batek egindako ekintza, ez-egite edo zabarkeriazko tratu oro, baldin eta haurrak eta nerabeak beren eskubideez eta ongizateaz gabetzen baditu, eta, betiere, haien garapen fisiko, psikiko edo sozial ordenatua mehatxatzen edo oztopatzen badu, edonola eta edozeren bidez eginda ere, harremanaren, informazioaren eta komunikazioaren teknologien bidez egindakoa barne, bereziki indarkeria digitala eta noizbehinka, eskuarki nahi modu jarraituan, familia barruan nahiz kanpoan gertatua ere.”

Irakurri 11. artikulua

(11. artikulua. 2/2024 Legea, otsailaren 15ekoa, Haur eta Nerabeena)