Aisia jarduerak garatzeko, entitate, zentro eta antolakundeek babes-ordezkarien figura izendatu beharko dute, eta haurrek eta nerabeek harengana jo ahal izango dute beren ezinegonak eta kezkak azaltzeko edo hari aditzera emateko zer indarkeria-egoera jasan, ikusi edo ezagutu duten.
Funtzioak
Babes-ordezkariari, gutxienez, honako eginkizun hauek esleituko zaizkio:
Euskal administrazio publikoek aisialdi hezigarriaren eremuan hartutako jarduketa-protokoloak aplikatzen jakitea.
Erreferentea izatea haur eta nerabeentzat eta haien familientzat.
Gertukoa izatea, konfiantza sortzen duena eta komunikatzeko gaitasuna duena.
Erakundearen antolaketa-kulturan esperientzia izatea.
Haur eta nerabeen eskubideen ezagutza eta haiekiko konpromisoa izatea.
Beste erakunde/entitateekin koordinatzeko trebea izatea.
Erakundean tratu onaren kultura sustatzea.
Horrez gain, erakundeak ziurtatu behar du babes-ordezkariak denbora, espazioak eta ahalmena dituela erakundean ingurune seguruen diseinua dinamizatzeko eta indarkeria-kasuetan jarduteko.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
