Jokoaren adikzioaren inguruan prebentzioa lantzea.
Helburuak:
Jokoaren inguruan dagoen arriskuaz jakitun izatea eta gai honi buruzko informazio guztia izatea, adikzio honetan eror ez daitezen.
Aldi berean, egunen batean beraien inguruko batek adikzio hau badu, detektatzeko eta laguntzeko tresnak izatea.
Jokoari buruz dituzten galdera eta kezka guztiak argitzea.
Metodologia:
Eragin emozional handia dituzten egoerak beraiekin landu eta aztertuko ditugu. Metodologia honekin, ludopata batek bere egunerokotasunean bizi dituen egoerak landuko ditugu, ikasleek jokoak dituen arriskuak barnera ditzaten.
Nere kasua eta nik jokoarekin izan dudan esperientzia ere landuko dugu, oso adierazgarria delako. Ikasleekin landuko dugu nire bizitzak izan zuen aldaketa, nola joan zen egunez egun nire bizitza puskatzen eta psikologikoki jasan nuen kaltea. Arlo teorikoa momentu askotan alde batera utzita, gizarteak jokoarekin duen erlazioa aztertu eta landuko dugu.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
