Gu garena besarkatuz: sexualitate bizigarriak arakatzeko laborategia

Helburu orokorra:

• Gazteen desioak, bizipenak, beldurrak eta informazio beharrak kontuan harturik, tratu onak, plazera eta aniztasuna ardatz dituen sexualitatearen bizipen positiboa lantzea.

Helburuak:

• Nagusi den sexu-ereduaren berrikuspen kritikoa egitea.
• Bizipenak, kezkak, zalantzak eta harreman-praktika egokiak partekatzeko espazio segurua eta intimoa eskaintzea.
• Gure sexualitatearen ardatz diren alderdiak identifikatzea eta hauetan arakatzea: gorputza, identitatea, desioa eta harremanak.
• Gure erotika lantzeko beharrezkoak diren gakoak partekatzea eta aztertzea.

Metodologia:

• Tailer-laborategi formatuko 2 orduko 4 saio proposatzen ditugu; guztira 8 ordu. Saioak metodologia aktibo eta partaidetzazkoekin burutuko ditugu, beharrezkoak diren edukien azalpenekin lagunduta. Hortaz, parte-hartzaileen bizipenetatik eta beharretatik abiatutako hausnarketa eta kontzientzia-hartzean oinarrituriko dinamikak eta jolasak gauzatuko ditugu.