Historikoki eta belaunaldi batzuetan emozioak ezkutatu izan dira. Guraso askok ez dute gai honen inguruko eredu osasungarririk jaso, eta berebiziko garrantzia du horri leku bat egiteak: gizakiok etengabe sentitzen ari gara eta horrek zuzeneko eragina du gure pentsamendu eta jokabideetan. Gure ongizatearen giltzarri nagusienetarikoa da kudeaketa emozionala. Saio honetan helduon emozioak ulertzeko eta horiek kudeatzen ikasteko gakoak azalduko dira, gu eredu baikara: gure emozioak kudeatzen ikasten badugu, seme-alabei beraienak kudeatzen laguntzeko moduan izango gara.
Landuko diren edukiak eta gaitasunak:
Emozioak ulertzen. Zer dira emozioak? Eta sentimenduak?
Zer informazio ematen digute? Zertarako balio dute? Ze onura dakartzate?
Emozioak kudeatzeko gakoak. Pausoz pauso.
Baliabide praktikoak adimen emozionala garatzeko eta seme-alaben bidelagun osasungarriak izateko.
Metodologia:
Hitzaldia: Kontzeptu teorikoak azalduko dira eta ariketa praktikoekin uztartuko dira, bizipenetik ikasteko, etxean eta egunerokotasunean baliagarriak izango diren tresnak saioan bertan praktikatuz. Hizlariaren eta entzuleen arteko komunikazioa bultzatuko da elkarrekin solasaldia sortuz. Partaideen galderei erantzun eta bibliografia proposatuko zaie.
Tailerra: Hitzaldiaren metodologia jarraituko da eta dinamikak planteatuko dira, partaideek saioan praktika dezaten eta bizipenetatik kontzeptuak beregana ditzaten.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
