Zenbat denbora pasatzen dute etxeko haurrek pantailaren aurrean? Zer-nolako eragina dute gailu digitalek haurren garapenean? Zer egin behar da haurrak online testuinguruetan zaintzeko? Tailer honetan erabilera-ohitura teknologikoei buruz hausnartuko da, gailu digitalen alderdi positiboak zein negatiboak identifikatzeko eta online testuinguruetan haurrak zaintzeko estrategiak barneratzeko.
Helburuak:
Egungo errealitate digitala aztertzea, erabilera-ohiturei buruz hausnartzeko.
Gailu digitalen alderdi positiboak zein negatiboak identifikatzea.
Online testuinguruetan haurrak zaintzeko beharra barneratzea eta hori bermatzeko estrategiak eskuratzea.
Landuko diren edukiak eta gaitasunak:
Jendarte hiperkonektatuaren egoera: teknologiaren garapen azkarra eta egungo errealitate digitala (erabilera-ohiturak).
Pantailek haurren garapenean dituzten eragin fisiko eta psikologikoak.
Gailu digitalen abantailak eta arriskuak.
Haurren eskubideak eta nortasun digitala.
Teknologia erabiltzeko familiaren bitartekaritza-estrategiak.
Metodologia:
Tailerra parte hartzeko moduan bideratuko da. Gaiak lantzeko hausnarketa kritikoa garatzea helburu duten praktika kolaboratiboak proposatuko dira eta oinarri kontzeptualak sakontzeko ahozko azalpenak, ikus-entzunezko materialak eta egoeren adibide zehatzak eskainiko dira. Beraz, ikasleen parte-hartzea eta gogoeta izango dira saioen funtsa.
* Gai honi buruzko hitzaldia ere eskuragarri duzu, ikusi hemen.
