*  Zein gairen barruan kokatzen da hitzaldi hau?      3.  Gizarte-testuingurua eta ingurune fisikoa      

 

​ Internet, pantailak, bideojokoak, sare sozialak… onurak eta gatazkak. Nola kudeatu?

​

 

​Hartzaileak: Haurren gurasoak / Nerabeen gurasoak
Haurren gurasoentzat: Haurrak eta pantailak: ondorioak eta kudeaketarako gakoak
Nerabeen gurasoentzat: Nerabeek Interneten erabilera arduratsua egiteko familia-gidaritza: bitartekaritza-estrategiak

​Talde bakoitzeko partaide kopurua: Hitzaldia: Mugarik gabe / Tailerra: 20 pertsona gehienez

​Trebatzailearen disponibilitatea: Asteazken eta ostegun arratsaldean.

​Trebatzailea: Amaia Pavon Arrizabalaga eta Amaia Arroyo Sagasta  ​

 

​Helburu orokorra:

  • Egungo errealitate digitala ezagutzea eta bertan bizi daitezkeen egoera gatazkatsuen edota arriskutsuen bitartekari izateko estrategiak barneratzea.

 

​Helburuak:

Haurren gurasoentzat

  • Haurren eta pantailen arteko harremana aztertzea
  • Pantailek haurren garapenean dituzten ondorio positiboak zein negatiboak lantzea.
  • Pantailen erabilera egokia kudeatzeko gidaritza-gakoak eskaintzea.
  • Testuinguru digitaletan haurren ongizatea bermatzeko familiek duten zereginari buruz hausnartzea eta bitartekaritzarako estrategiak eskaintzea

Nerabeen gurasoentzat

  • Nerabeen errealitate digitala ezagutzea: zenbat, zertarako, zer eta nola erabiltzen duten Internet. Eragin positiboak zein negatiboak.
  • Interneten erabilera arduratsua egiteko bitartekaritza-estrategiak eskaintzea
  • Familia-gidaritza digitalari buruz hausnartzea

 

​Landuko diren edukiak eta gaitasunak: 

Haurren gurasoentzat

  • Haurtzaro hiperkonektatuaren errealitate digitala (erabilera-ohiturak: gailuak, maiztasuna, edukiak…)
  • Gailu digitalen abantailak: mundua ezagutu, komunikazioa eta harremanak, garapen kognitiboa, identitate erreferenteak…
  • Pantailen gehiegizko erabileraren ondorio fisiko, psikologiko eta emozional negatiboak: tonu falta, gorputz-jarrera ezegokiak, arreta mantentzeko arazoak, emozioak identifikatzeko eta kudeatzeko zailtasunak…
  • Familiaren bitartekaritza teknologikorako gakoak: mugak, arauak, edukiak…
  • Testuinguru digitaletan haurren ongizatea bermatzeko familiek duten zereginari buruzko hausnarketa kolektiboa. Horrekiko ikuspegi kritikoa

Nerabeen gurasoentzat

  • Nerabezaro hiperkonektatuaren errealitate digitala: maiztasuna, helburuak, joerak…
  • Gailu digitalen abantailak: mundua ezagutu, komunikazioa eta harremanak, garapen kognitiboa, identitate erreferenteak…
  • Pantailen gehiegizko erabileraren ondorio fisiko, psikologiko eta emozional negatiboak: tonu falta, gorputz-jarrera ezegokiak, arreta mantentzeko arazoak, emozioak identifikatzeko eta kudeatzeko zailtasunak…
  • Familiaren bitartekaritza teknologikoaren garrantzia eta gakoak.

 

​Metodologia:

  • Hitzaldia. Oinarri kontzeptualen lanketa eta horiei buruzko hausnarketa ahozko azalpenen zein ikus-entzunezko materialen bitartez bideratuko dira Horrez gain, parte-hartzaileei material osagarria banatuko zaie gaia familian sakontzeko.
  • Tailerra. Tailerra modu parte-hartzailean bideratuko da. Gaiak lantzeko hausnarketa kritikoa garatzea helburu duten elkarlanerako praktikak proposatuko dira eta oinarri kontzeptualak sakontzeko ahozko azalpenak, ikus-entzunezko materialak eta egoeren adibide zehatzak eskainiko dira. Beraz, ikasleen parte-hartzea eta gogoeta izango dira saioen funtsa. Horrez gain, parte-hartzaileei gaia familian sakontzeko material osagarria banatuko zaie.

 

Trebatzaileak hitzaldia edo tailerra garatzeko behar duen materiala:

  • Ordenagailua, proiektorea/pantaila eta audioa (bideoren bat jarri ahal izateko, baina ez da ezinbestekoa)