Etxeko nerabeak mugikorrari itsatsita bizi dira? Denbora zertan pasatzen duten jakin nahi bada, Internet modu seguruan erabiltzeko estrategiak garatu nahi badira, tailer honetan nerabeen errealitate digitala aztertuko da, aukera zein arriskuetan sakontzeko eta bitartekaritza-estrategiak eskuratzeko.
Interneten bizipen positiboen eragina zein arriskuen ondorioak sakontzea.
Nortasun digitalaren garrantziaz jabetzea.
Erabilera segurua bermatzeko bitartekaritza-estrategiak barneratzea eta horiek bideratzeko zenbait baliabide eskuratzea.
Landuko diren edukiak eta gaitasunak:
Jendarte hiperkonektatuaren egoera: teknologiaren garapen azkarra eta nerabeen errealitate digitala (erabilera-ohiturak, sare sozialak, youtuberrak eta online jolasak).
Online bizipen positiboen eragina: harremanak, identitatea eta gaitasunak.
Online arriskuak eta konektibitatearen zenbait alderdi garrantzitsu: arriskuak (ziberbullying-a, sexting-a, grooming-a, eduki ezegokiak, gehiegizko erabilera) eta nortasun digitala.
Interneten erabilera arduratsua: familiaren bitartekaritza-estrategiak eta erabilera seguru baterako estrategiak garatzeko gidalerroak eta baliabideen bilduma.
Metodologia:
Tailerra parte hartzeko moduan bideratuko da. Gaiak lantzeko hausnarketa kritikoa garatzea helburu duten praktika kolaboratiboak proposatuko dira eta oinarri kontzeptualak sakontzeko ahozko azalpenak, ikus-entzunezko materialak eta egoeren adibide zehatzak eskainiko dira. Beraz, ikasleen parte-hartzea eta gogoeta izango dira saioen funtsa.
* Gai honi buruzko hitzaldia ere eskuragarri duzu, ikusi hemen.
