Familiei baliabideak ematea eta trebatzea seme/alabekin heriotzaz naturaltasunez hitz egin dezaten eta haien galderen aurrean erantzunak izan ditzaten.
Landuko diren edukiak eta gaitasunak:
Prebentzioan oinarrituta, heriotzaren pedagogia egingo da:
Zer da heriotza? Nola ulertzen dugu? Nola eragiten digu heriotzak?
Zer mito eta beldur daude bere inguruan?
Dolu-prozesua; zer den, etapak, galera-mota ezberdinen prozesuak
Zer uler dezaketen haur/gazteek adin ezberdinetan eta etapa bakoitzean zer esan
Nola erantzun ohiko galderei
Metodologia:
Hitzaldia: Kontzeptu teorikoak azalduko dira eta adibide praktikoekin sendotuko dira. Hizlariaren eta entzuleen artean komunikazioa bultzatuko da elkarrekin solasaldia sortuz. Partaideek izan ditzaketen galderei erantzun, eta bibliografia proposatuko zaie.
Tailerra: Hitzaldiaren metodologia jarraituko da eta dinamikak planteatuko dira, partaideek saioan praktika dezaten eta bizipenetatik kontzeptuak beregana ditzaten.
Trebatzaileak hitzaldia edo tailerra garatzeko behar duen materiala:
Ordenagailua, proiektorea, Internet eta, aretoaren arabera, mikrofonoa.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
