Familien funtzio nagusietako bat da seme-alabak heztea eta balio jakin batzuk eta portaera-jarraibide egokiak eskura ditzaten lortzea. Horretarako, familiei adikzioen gaiari aurre egiteko behar duten informazioa, prestakuntza eta aholkularitza eman nahi zaizkie.
Helburuak:
Osasunerako Hezkuntzan familiak identifikazio-eredu gisa duen prebentzio-funtzioa sustatzea.
Adikzioei eta beraiekin lotutako arriskuei buruzko ezagutzak eta oinarrizko informazioa ematea.
Horien aurrean era positiboan erantzuteko abileziez eta estrategiez hornitzea.
Landuko diren edukiak eta gaitasunak:
Adikzioen eta prebentzioaren alorreko oinarrizko kontzeptuak. Zer dira drogak?
Substantziek nerabeen eta gazteen artean duten eraginari buruzko datuak.
Mitoak eta errealitateak.
Kontsumo edo erabilera problematikoak izan daitezkeenak goiz antzematea.
Babes-alderdiak versus arrisku-alderdiak.
Trebetasun sozialak, komunikazioa eta entzute aktiboa.
Inpultsibitatea eta autokontrola.
Gatazkak konpontzea.
Elkarrizketak nerabeekin.
Zer egin dezake familiak?
Metodologia:
Parte hartzeko metodologia: trebatzailearen azalpen eta funtsatze teorikoa partaidetzazko talde operatiboetan egindako lanarekin uztartuko dira. Talde-dinamika desberdinak egingo dira, parte-hartzea sustatzeko eta familiek prebentzio-lan egokia egiteko estrategiak eta tresnak eskuratu ahal izateko.
Edukiak azaltzeko, teknologiak erabili eta bideoak ikusiko dira lagungarri. Tailerretan parte hartzen duten pertsonek taldean eztabaidatzeko teknikak, simulazio-teknikak eta abar erabiliko dituzte.
* Gai honi buruzko hitzaldia ere eskuragarri duzu, ikusi hemen.
