Substantzien kontsumoa. Zer egin dezake familiak? 

Helburu orokorra:

• Familien eginkizun nagusietako bat da heztea eta seme-alabek balio eta portaera-jarraibide egokiak eskura ditzaten lortzea. Horretarako, substantzien kontsumoen gaiari aurre egiteko beharrezko informazioa, prestakuntza eta aholkularitza eman nahi zaie familiei.

Helburuak:

• Identifikazio-eredu gisa, familiak Osasunerako Hezkuntzan duen prebentzio-zereginaren garrantzia sustatzea.
• Adikzioei eta horiei lotutako arrisku espezifikoei buruzko ezagutzak eta oinarrizko informazioa ematea.
• Horien aurrean modu positiboan erantzuten lagunduko dieten trebetasunak eta estrategiak ematea.

Landuko diren edukiak eta gaitasunak: 

Hitzaldia:

• Adikzioen eta prebentzioaren alorreko oinarrizko kontzeptuak. Zer dira drogak?
• Substantziek nerabeen eta gazteen artean duten eraginari buruzko datuak.
• Arazo ez bihurtzeko hainbat gako.
• Kontsumo edo erabilera problematikoak izan daitezkeenak goiz antzematea.
• Zer egin dezake familiak?

Tailerra:

• Adikzioen eta prebentzioaren alorreko oinarrizko kontzeptuak. Zer dira drogak?
• Substantziek nerabeen eta gazteen artean duten eraginari buruzko datuak.
• Mitoak eta errealitateak.
• Kontsumo edo erabilera problematikoak izan daitezkeenak goiz antzematea.
• Babes-alderdiak versus arrisku-alderdiak.
• Trebetasun sozialak, komunikazioa eta entzute aktiboa.
• Inpultsibitatea eta autokontrola.
• Gatazkak konpontzea.
• Elkarrizketak nerabeekin.
• Zer egin dezake familiak?

Metodologia:

Hitzaldia:

• Parte hartzeko metodologia. Trebatzailearen azalpen teoriko-praktikoa eta bertaratuen parte-hartzea, bi norabideko komunikazioa sustatuz.

Tailerra:

• Parte hartzeko metodologia: trebatzailearen azalpen eta funtsatze teorikoa partaidetzazko talde operatiboetan egindako lanarekin uztartuko dira. Talde-dinamika desberdinak egingo dira, parte-hartzea sustatzeko eta familiek prebentzio-lan egokia egiteko estrategiak eta tresnak eskuratu ahal izateko.
• Edukiak azaltzeko, teknologiak erabili eta bideoak ikusiko dira lagungarri. Tailerretan parte hartzen duten pertsonek taldean eztabaidatzeko teknikak, simulazio-teknikak eta abar erabiliko dituzte.

 Trebatzaileak hitzaldia edo tailerra garatzeko behar duen materiala:

• Ordenadorea eta proiektorea beharrezkoak. Internet eta arbela bat baldin badaude hobe, ezin bada molda gaitezke.