Gipuzkoako nerabeak bizitzarako eta etorkizunerako beharrezkoak diren tresna praktikoez hornitzea da helburua. Horretarako, ezinbestekoa da horiek eskuratzeko beharrezkoak diren gaitasunak eta garapen prozesuak sustatzea.
Helburuak:
Gipuzkoako nerabeen autoezagutzaren garapenean oinarrituta (gustoko duguna, izaera, gaitasunak, balioak…), eta norbere bokazioaren ezagutza sustatuz (inguruko beharrak aztertuz), etorkizunerako erabakiak hartzeko prozesuak aberastea; nerabeen etorkizuneko orientazio-prozesuak modu integral batean planteatuz, eta hezkuntza formalaren bitartez jasotzen duten orientazioa osatuz.
Nerabeen arlo pertsonal, sozial, akademiko eta profesionaleko zein egunerokotasuneko eraginkortasuna hobetzeko, eta asebetetze pertsonala eskuratzeko, ezinbestekoak diren zeharkako gaitasunen lanketa sustatzea, hala nola: talde-lana, komunikazioa, lidergotza, proaktibitatea, erronken ebazpena… Lanketa hau nerabeen egunerokotasuneko erronka eta arduretara moldatuta egongo da.
Nerabeen autonomia eta helburu pertsonal, akademiko, zein profesionalen lorpena sustatzeko ezinbestekoak diren gaitasun eta tresnak garatzea. Hala nola: denboraren kudeaketa, helburuen plangintza eta antolakuntza (epe luzekoak eta epe laburrekoak), ohiturak sortzea…
Metodologia:
Edukien azalpena, eta nerabeen parte-hartzea konbinatuko dira. Saio hau oinarrizkoa da eta dinamika ezberdinak integratzea proposatzen da, nerabeen motibazioa pizteko.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
