Ikastaro honen bitartez haur eta nerabeen zerbitzuetan esku-hartze birtuala egiten hasteko laguntza eta tresnak eskainiko dira.
Haur, nerabe eta gazteen sustapenetik egiten den lana beste eremu batera eraman behar dugu, eremu birtualera, eta horretarako behar diren tresnak ondo erabiltzen jakitea garrantzitsua da.
Esku-hartze birtualaren gaia ezagutu eta oinarrizko kontzeptuak finkatu.
Gure zerbitzuetan esku-hartze birtuala egiteko aukerak ezagutu.
Esku-hartze birtuala modu egokian egiten hasteko oinarrizko tresnak ezagutu.
Programa:
Tailer honetan bereziki gai hauek hausnartu eta landuko dira:
Zer da sustapen digitala / esku-hartze birtuala?
Zergatik da garrantzitsua esku-hartze birtuala?
Toki mailako esku-hartze birtualaren diagnostikoa.
Esku-hartze birtualerako mailak, adinak eta tresna egokienak.
Nola egin esku-hartze birtual egokia; plangintza eta ebaluazioa.
Metodologia:
Metodologiari dagokionez, partaide guztien arteko hausnarketa sustatuko da. Horretarako, sareak eskaintzen dizkigun tresna ezberdinak erabiliko dira, hausnarketa teoriko ariketa praktikoekin tartekatuz. Modu egokian lan egin ahal izateko, Interneteko konexio egokiaz gain, ikasleek ordenagailua erabiltzea gomendatzen da. Saioa Microsoft Teams bidez egingo da, eta lotura aldez aurretik bidaliko da..
* Saio hau Gaztematika sareko profesionalentzako izango da soilik.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
