HEZKUNTZA ERALDATZEKO 2030 AGENDA Ekintzarako garaia
Udal-hezitzaile eta -teknikarientzako prestakuntza honen helburua da Garapen Jasangarrirako Hezkuntza Gaztematikaren zerbitzuetan txertatzeko behar diren ezagutza eta baliabideak jasotzea.
Bi saio izango dira. Lehenengoa profesional guztientzat izango da (teknikari eta hezitzaileentzat), eta bigarrena hiru egunetan banatuko da: lehenengoa haurtxokoetako hezitzaileentzat, hurrengoa gaztelekuetako hezitzaileentzat eta azkena teknikarientzat.
Gaia: HNGen sustapeneko teknikari eta hezitzaileekin Garapen Jasangarrirako Hezkuntza lantzen.
Datak: - Haurtxokoetako hezitzaileak: 2023ko martxoaren 22 eta 28an
- Gaztelekuetako hezitzaileak: 2023ko martxoaren 22 eta 29an
Hartzaileak: Haurren hezitzaileak, nerabeen hezitzaileak eta teknikariak.
Ikastaroa emango duena: UN Etxea / UNESCO sustatzeko Euskal Herriko Elkartea Eva Quiroga Vázquez
UN Etxeko hezkuntza-teknikaria. Gizarte Hezkuntzako gradua. Oinarrizko Eskubideak eta Botere Publikoak masterra (UPV-EHU).
Helburuak:
Helburu orokorra
Garapen Jasangarrirako Hezkuntza Gaztematikako zerbitzuetan integratzeko ezagutza eta baliabideak eskaintzea.
Helburu zehatzak
Garapen Jasangarrirako Hezkuntzaren 4.7 xedean oinarrituz, 2030 Agendaren Garapen Jasangarrirako Helburuen edukiak, haur, nerabe eta gazteen ikuspegitik lantzea.
Haur, nerabe eta gazteen sustapenean lan egiten duten profesionalei garapen jasangarriaren ikuspegia lantzeko baliabideak eskaintzea.
Programa:
1. saioa: 2030 Agenda eta Garapen Jasangarrirako Helburuak ezagutzea Martxoaren 22an, teknikariak eta hezitzaileak batera
Formakuntzaren aurkezpena.
2030 Agendaren aurrekariak: nazioarteko akordio honen jatorria eta aurretiko prozesuak.
Zer dira 2030 Agenda eta Garapen Jasangarrirako Helburuak (GJHak)?
4.7 xedea: Garapen Jasangarrirako Hezkuntza
Hezkuntza ez-formalaren garrantzia garapen jasangarrian.
Haur, nerabe eta gazteak protagonista: aukerak eta erronkak (talde-eztabaida)
2. saioa: Garapen Jasangarrirako Hezkuntza: ekintzarako garaia Martxoaren 28, 29 eta 30ean, haurren hezitzaileak, nerabeen hezitzaileak eta teknikariak, hurrenez hurren
Edukia talde bakoitzaren profilera egokituko da.
Harrera-dinamika: “GJHen dorrea eraikitzen”.
2030 urtera begirada (talde-hausnarketa).
Baliabide didaktikoak: haurrekin eta nerabeekin hezkuntza ez-formalean lan egiteko material didaktikoak zein esperientzia praktikoak partekatuko dira.
Proposamen metodologikoak: 2020-2030 ekintzara pasatzeko hamarkada izanik, haur eta gazteekin lan egiteko metodologia eraikiko dugu elkarrekin.
Metodologia:
Garapen Jasangarrirako Hezkuntzak ekintzara bideratutako pedagogia berritzailea erabiltzen du, hezitzaileek eta profesionalek, gizarte jasangarriago baten aldeko ekintzak bideratzeko beharrezko ezagutzak eta baliabideak eskura ditzaten.
Hortaz, formakuntza programa honetan, Gaztematika sareko profesionalei 2030 Agendak proposatzen duen garapen jasangarriaren ikuspuntua hurbilduko zaie, hezkuntza ez-formalean haur, nerabe eta gazteekin lan egiteko baliabideak eta proposamen metodologikoak eskainiz.
Alde batetik, Nazio Batuetako 2030 Agenda eta Garapen Jasangarrirako Helburuetara hurbiltzeko, lehen saio bateratu bat egingo dugu hezitzaile, suspertzaile eta teknikariekin.
Beste aldetik, aurreko taldea hirutan banatuz (haurren hezitzaileak, nerabeen hezitzaileak eta teknikariak), bigarren saio bat egingo dugu. Horretan, lan egiteko proposamen metodologikoak landuko ditugu, talde-hausnarketa eta dinamiken bitartez. Horrez gain, haur, nerabe eta gazteekin lan egiteko baliabide pedagogikoak ezagutuko ditugu.
* Saio hau Gaztematika sareko profesionalentzako izango da soilik.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
