Berdinen arteko tratu onak 

Helburuak: 

• Helburu orokorra
  Pertsonen arteko tratuari buruzko hausnarketa sortzea da helburu orokorra; tratu horiek errespetuzkoak, integratzaileak, berdintasunezkoak edo tratu txarrak diren aztertzea. Hori guztia arte plastikoak edo antzerkia bezalako tresna artistikoak erabiliz egingo da.
   
• Helburu zehatzak
  Edukiak modu ludikoan lantzea, arte plastikoaren eta antzerkiaren dinamiken bidez, hezitzaileek ezagutzak har ditzaten, eta, aldi berean, beren lanaren xede diren kolektiboen aurrean balio horien transmititzaile bihur daitezen.

Programa: 

Tratu onak sustatzeko trebetasunak garatuko ditugu artearen bidez.

Proposatzen dugun tailerrak gaitasun intelektuala eta kontzientzia soziala garatzea du helburu, eta taldearen partaidetzan oinarritzen da. Norberaren ezagutza, sinesmenak, aurreiritziak eta bizipenak izango dira abiapuntua, baina urrats bat gehiago ere emango dugu, ikaskuntza berriak barneratuz. Aurrerapauso horiek partaideek beraiek egingo dituzte taldean elkarrekin ikertuz. Elkarrekin hausnartu eta hitz egin beharko dute taldearen ondorioak osatzeko.

Metodologia-proposamen zehatz honek praktika eta elkarrizketa ditu oinarri; azken batean, etika biziko trebakuntza bat da. Bizikidetzarako, pertsonen arteko errespeturako eta garapen intelektualerako beharrezko prozedurak eta jarrerak martxan jartzen dira.

Metodologia: 

Arte plastikoak, materialen bidez, emozioak eta jarrerak bideratzeko zubi lana egin dezake eta, estrategia modura, interesgarria izan daiteke hezkuntzan gabiltzanean. Antzerkiak, gorputz-lana egiten lagunduko digu; plastikaren bidez ateratakoa barneratuko dugu berriz, eta tratu onetarako estrategiak topatzen lagunduko digu talde-lana sustatuz.

* Saio hau Gaztematika sareko profesionalentzako izango da soilik.