Historia ikertzeko bi beka

Ekainaren 30ra arte ikerketa historikoak egiteko bi beka eskatu daitezke: José Ignacio Tellechea Idígoras beka eta Miguel Artola Gallego azterketa historikoko beka.

Bi historialari hauek omentzeko helburuarekin, Gipuzkoako Foru Aldundiak (Kultura, Lankidetza, Gazteria eta Kiroletako Departamentuak) bi beken deialdia jaulki du:

• José Ignacio Tellechea Idígoras izeneko ikerketa beka: Erdi Arotik Aro Garaikidera bitarteko azterketa historikoak egiteko diru-laguntza da. Urtebeteko iraupena du eta eskatzaileak unibertsitate mailako titulua eduki behar du, Gipuzkoan erroldatuta egoteaz gain (gutxienez 5 urtez, azkenengo 10 urtetan). Bekaren xehetasunak eta eskaerak aurkezteko moduak Gipuzkoako Aldizkari Ofizialean kontsultatu ditzakezu: José Ignacio Tellechea Idígoras beka (2023)
• Miguel Artola Gallego izeneko azterketa historikoko beka: historia garaikideko ikerketara bideratuta dago. Bi urteko iraupena du eta eskatzailearen adina zein errolda lekua edozein izan daitezke. Bekaren xehetasunak eta eskaerak aurkezteko moduak Gipuzkoako Aldizkari Ofizialean kontsultatu ditzakezu: Miguel Artola Gallego beka (2023)