Hornidura eta Garraioen Komisari Nagusiaren Probintziako ordezkaritza Gipuzkoan (CAT) (1941-1984)

Bolumena:

534 kaxa, 60 liburu

Funtsaren garrantzia eta edukia:

Funts hau Hornidura eta Garraioen Gipuzkoako Probintzia Ordezkaritzaren dokumentazioak osatzen du, eta ordezkaritza hau Hornidura eta Garraioen Komisaria Nagusiko (CAT) sarearen parte zen.

Aipatutako Hornidura eta Garraioen Komisaria Nagusia (CAT) 1939an sortu zen, herritarrei premiazko eta ezinbesteko kontsumo eta erabilerako elikagaiak emateko. Erakunde autonomo gisa jaio zen, eta erakunde autonomo bezala mantendu zen bere iraunaldi osoan. 1939an sortu bazen ere, 1941era arte ez ziren haren egitura eta funtzioak arautu 1941eko ekainaren 24ko Legearen bidez.

Bere eginkizunak betetzeko, Hornidura eta Garraioen Komisaria Nagusia (CAT) zerbitzu zentraletan, Hornidura Zonetako Baliabideen Komisarian, Hornidura eta Garraioen Probintzia Ordezkaritzetan, eta, Arrazionalizazio eta Kontsumoko tokiko ordezkaritzetan antolatzen zen.

Gipuzkoako Hornidura eta Garraioen Probintziako Ordezkaritza, gainerako probintzia-ordezkaritzak bezala, 1941ean sortu zen, egoitza Donostian zuen, eta gobernadore zibila zuen buru. Bere eginkizunak honako hauek ziren: estatistikak egitea, eta atzemandako gaien kupoak eta biztanleei errazionatzeko txartelak udalerrien artean banatzea, eta tasatutako prezio ofizialak eta esleitutako kupoak banatzeko garraioak ikuskatzea.

Hornidura eta Garraioen Komisaria Nagusia (CAT) eta, beraz, probintzia-ordezkaritzak hainbat ministerioren mende egon ziren historian zehar: Industria eta Merkataritza Ministerioa (1939-1951), Merkataritza Ministerioa (1951-1981), eta Nekazaritza Ministerioa (1981-1984). Hornidura eta Garraioen Komisaria Nagusia (CAT) 1981ean desagertu zen, eta probintziako ordezkaritzak Nekazaritza Produktuen Zerbitzu Nazionalaren (SENPA) mende geratu ziren organikoki, 1984an behin betiko desagertu ziren arte.

Erakunde horren eskumenen bilakaerari dagokionez, aipatzekoa da 1940. eta 1950.ko hamarkadak urrezko garaia izan zirela. 1959. urtetik aurrera, autarkiaren amaierarekin, Hornidura eta Garraioen Komisaria Nagusiaren (CATen) eginkizunak gutxituz joan ziren, eta pixkanaka garrantzia galtzen joan zen desagertu arte.

Artxiboan gordetzen dugun dokumentazioari dagokionez, sei ataletan antolatzen da:

1.  Atal zentrala: idazkaritzako dokumentazio guztia, langileen kudeaketa eta argitalpenak biltzen ditu.

2.  Azterlan eta aurreikuspenen atala: delegazioak hornidura eta garraioen arloan egindako azterlan eta txosten guztiak jasotzen ditu.

3.  Ikuskapen atala: elikagaien eta establezimenduen kalitatea ikuskatzeko eta egiaztatzeko funtzioak sortutako dokumentazio guztia.

4.  Kontabilitate atala: erakundearen kontabilitate dokumentazio guztia jasotzen du.

5.  Hornidura atala: probintzia elikagaiz hornitzeko beharrezkoa zen kudeaketa guztia isladatzen duen dokumentazioa da.

6.  Prezioen atala: prezioen erregulazioari buruzko informazioa.

Kontsultarako baliabideak: Funts honen deskribapena gure online katalogoan kontsultatu daiteke. Funtsaren osotasuna: Artxiboan probintzia-ordezkaritzak 1941etik 1985ra bitartean sortutako dokumentazioa gordetzen da. Funts osagarriak: Hornidura eta Garraioen Komisaria Nagusiaren (CAT) funtsa Administrazioaren Artxibo Nagusian (AGA) dago gordeta. Funtsa kontsultatzeko baldintzak: Funtsaren zati handiena sarbide librekoa da. Datu pertsonalak dituzten dokumentuak dira sarbide mugatukoak, betiere hil gabeko pertsonei buruzkoak badira. Dokumentuen egoera fisikoa: Ona

Sailkapen taula:                                                Deskargatu sailkapen taula

Gipuzkoako Hornidura eta Garraioen Probintziako Ordezkaritza (CAT)

1. Atal Zentrala
   1. Idazkaritza
      1. Gutuneria
      2. Korrespondentziaren sarrera eta irteera erregistroa
      3. Idazkaritzaren jardueraren erregistro liburuak
      4. Komisario nagusiaren dokumentazioa
      5. Ekoizleekiko hitzarmenak eta akordioak
   2. Langileen kudeaketa
      1. Plantillako langileen zerrenda
      2. Langileen nominak
      3. Dietak eta lan-ordutegiak
      4. Montepio eta Gizarte segurantza
         1. Gizarte aurreikuspeneko Montepioaren akta-liburuak
         2. Gizarte aurreikuspeneko Montepioko dokumentazio ekonomikoa
         3. Gizarte aurreikuspeneko Montepioko dokumentazio administratiboa
         4. Gizarte Segurantzako Erregimen Orokorreko kotizazioak
      5. Hornidura eta Garraioko Komisaria Nagusiko Funtzionarioen Kontsumo Kooperatiba
         1. Funtzionarioek egindako eskaerak
         2. Kooperatibaren dokumentazio administratiboa
         3. Kooperatibaren dokumentazio ekonomikoa
   3. Argitalpenak eta dokumentazio informatiboa
      1. Hornidura eta Garraioen Komisariaren memoriak
      2. Lege liburuak
      3. Barne-erregimeneko informazio-orriak
      4. Legediari buruzko aurkibidea eta informazio-buletina
      5. Araudia eguneratzeari buruzko ofizio-zirkularra
      6. Erreferentziazko argitalpenak
2. Azterlan eta aurreikuspenen atala
   1. Txostenak eta azterlanak
   2. Txikizkarien merkataritzako establezimenduen errolda
   3. Handizkarien merkataritzako establezimenduen errolda
3. Ikuskapen atala
   1. Ikuskapen orokorra
      1. Ikuskapen-jardueren liburuak
      2. Elikagaien merkataritza-zaintza
      3. Ikuskapen kanpaina bereziak
      4. Ikuskapenerako aurretiazko eginbideak
      5. Ikuskapen- eta zehapen-espedienteak
      6. Esku hartutako elikagai eta produktuen mugimendu-parteak, kontsumoa eta prezioak
      7. Supermerkatuak irekitzeko espedienteak
      8. Denda-kamioiaren kudeaketa
   2. Agentzia exekutiboa
      1. Premiamendu- espediente betearazleak
      2. Likidazioak
4. Kontabilitateko atala
   1. Egindako ordainketak eta kobrantzak
      1. Aurrekontu-kontuak
      2. Banku-kontuen mugimenduak
      3. Likidatze-espedienteak eta primak ordaintzeko espedienteak
      4. Hornidura eta Garraioen Komisaria Nagusiaren likidazioen jakinarazpenak
      5. Produktuak erretiratzeagatik likidatutako karguak
      6. Gastu arruntak ordaintzea
   2. Kontabilitateko liburuak
      1. Liburu nagusiak
      2. Kutxako liburuak
      3. Eguneroko liburuak
      4. Aginduen erregistro liburua
      5. Atxikitako zergen erregistro-liburuak
      6. Kontu korronteen liburuak eta liburu laguntzaileak
5. Hornidura atala
   1. Horniduraren kudeaketa orokorra
      1. Barne-oharrak eta korrespondentzia
      2. Produktuen sarrera- eta irteera-mugimenduen parteak, hotz ganberetan eta udalerrietara
      3. Produktuak deskargatzeko lehiaketak
      4. Biltegiratzeko edukiera
   2. Olio eta koipeen azpiatala
      1. Olioaren izakinak, kontsumoa eta mugimenduak
      2. Olioen hornidura eta banaketa
      3. Olioa saltzeko baimena
   3. Arrozaren, zerealaren, fruituen eta barazkien azpiatala
      1. Zerealak eta pentsuak hornitzea eta banatzea
      2. Arroza, lekaleak, fruituak eta barazkiak hornitzea eta banatzea
   4. Irinen eta okintzaren azpiatala
      1. Ogi salmenta
      2. Ogia saltzen duten establezimenduen eta okindegien errolda
      3. Irin-mugimenduei buruzko adierazpenak
      4. Irinaren hornidura eta banaketa
   5. Itsasoz Haraindiko azpiatala
      1. Kontserba eta gazituen hornidura
      2. Kafe eta kakao hornidura
      3. Azukrearen hornidura eta banaketa
   6. Animalia produktuen azpiatala
      1. Arrain-hornidura
      2. Izoztutako eta hoztutako salgaiak deskargatzea eta banatzea
      3. Haragien hornidura
      4. Arrautzen hornidura eta banaketa
      5. Esnearen hornidura eta banaketa
   7. Ekonomatoak eta kooperatibak
      1. Ekonomatu-kooperatiben errolda eta horien onuradunena
      2. Produktuen salmenta
   8. Garraioen azpiatala
      1. Zirkulazio giden erregistro-liburua
      2. Erregaien likidazioak
6. Prezioen atala
   1. Prezioen komisioen bileren espedienteak
   2. Prezioen informazioa
   3. Prezioen Batzorde Probintzialaren azterlanak eta txostenak