Udalen Aniztasun Zerbitzuak

“Urretxun Bizi Gara” Harrera Eskolaren bitartez, lurraldean eskuragarri dauden funtsezko baliabide ezberdinak ezagutzeko aukera izango dute herrira etorri berri direnek: osasun, gizarte eta hezkuntza zerbitzuak, euskara, kultura, atzerritartasun tramiteak, birziklapena, etxebizitza eta lan bilaketa, etab.

Eskualdean elkar bizi garen pertsona ororen Aniztasuna balorean jartzen duen topaketa eta ospakizunerako jardunaldia da hau. Jaia, Aniztasun eta Bizikidetza Mahaiak kudeatzen duen bizpahiru hilabeteko parte hartze prozesu baten ondoren ospatzen da. Hau da, jaiaren aurretik 6-8 aste bitartean, astero agente ezberdinak elkartzen dira jaiaren nondik norakoak elkarrekin antolatu eta elkar ezagutzarako. Jardunaldian zehar hiru espazio bereizten dira: munduko jakien erakusketa eta dastatzea, aniztasuna ardatz duten ikuskizunak eta gai ezberdinen inguruko tailerrak. Ekintza guzti hauetan urtero kolektibo eta erakunde ezberdinek parte hartzen dute.

Urretxuko udalean hilero bilerak egin ohi dira, Aniztasun eta Bizikidetza arloan garatzen denaren inguruko hausnarketa egin eta erabakiak hartzeko. Aniztasuna bere osotasunean, parte hartzea, adostasuna eta diskriminazio eza dira espazio honen ardatzak. Espazio honetan Urretxu eta Zumarragako herritarrek, udalak, ordezkari politikoek eta erakunde ezberdinen ordezkariek parte hartzen dute. 

Zarauzko Udalak sortutako ekimena da herrian bizi dugun kultura aniztasuna erakutsi eta batez ere azken urteotan Zarautza etorri diren bizilagunen integrazioa bultzatzeko.

Herriko elkarte gastronomikoetan, mahai baten inguruan jatorri ezberdineko zarauztarrok elkartzen gara elkar-ezagutu eta herriko parte diren kulturetako gastronomiak dastatzeko.

Irunen bizi eta bertako komunitatera eta kulturara egokitzeko prozesuan sartuta dauden etorkinentzako proiektu bat da. Proiektu honen bidez, prestakuntza globala eskaintzen zaie gizarte honen ezaugarrien inguruan, integratzeko hain garrantzitsuak diren esparruak kontuan hartuta, hala nola osasun-arloa, arlo juridikoa, administrazio-arloa, lan-arloa, etab.

Gunea zabalik dago bertara hurbildu nahi duten emakume guztientzat, eta aukera ematen du jatorriz askotariko Emakumeen taldeko kideek eta Pasaian bizi diren beste batzuek elkar ezagutzeko eta sareak sortzeko. Izan ere, elkar ezagutzeko, eztabaidatzeko eta bizikidetza indartzeko gune bat da.

Saioak izaten dira hilabetean behin (Hilabete bakoitzaren azkeneko asteazkenean), 17:00etatik- 20:00ak arte), urtarriletik ekainera; eta urritik abendura.

60 orduko ikastaro trinkoa eskaintzen dugu euskararekin eta euskal kulturarekin harremanik izan ez dutenak euskarara hurbiltzeko.

Familien banakako esku-hartze psiko-hezitzailea emateko zerbitzua eskaintzen dugu (laguntza terapeutikoa eta esku-hartze hezitzailea: laguntza hezitzailerako programa) familia berriro biltzeko prozesua pasa duten eta berriro elkartu diren familientzat.

Berriz biltze horren ondorioz, maiz familia barruko krisia sortzen da, aurre egin beharreko egoerek zuzenean eragindakoa: migrazio-prozesuak eta berriz familiara egokitzeko prozesuak eraginda, alegia. Urteak bananduta eman ondoren, familia biltzeko ardura dutenek berriro aurkitu behar izaten dituzte familiartekoak, eta familian berriro dagokien rola hartu behar izaten dute.

Horrez gain, bere(n) bizitza(k) familia-unitate bezala antolatu behar dituzte, eta ez orain arte bezala; eta egokitzapen horri aurre egin behar diote.

Ildo horretan berean, beste gizarte- eta ekonomia-egoera batera egokitu behar dute eta, horretarako, laguntza eta informazioa beharko dute.

Bestalde, berriz elkartzen denak ingurune berrian laguntza eta orientazioa beharko ditu, migrazio-prozesuan izandako galerak berregiteko laguntza beharko du, eta haren bizileku izango den gizarte-inguru berria ezagutzeko eta ulertzeko laguntza eta informazioa beharko ditu.

Noiz egiten den: urtearen buruan (urtarriletik abendura).

Onuradunak: Pasaiako familiak.

Gizarte langileek bideratuko dituzte programa honetara.

Migrazio-prozesuak berak eta familia beraren berregokitze prozesuen ondorioz sortutako arazoei aurre egiteko laguntza izateko asmoa du proiektu honek.

Maiz familia barruko krisia sortzen da, aurre egin beharreko egoerek zuzenean eragindakoa: migrazio-prozesuak eta berriz familiara egokitzeko prozesuak eraginda, alegia. Urteak bananduta eman ondoren, familia biltzeko ardura dutenek berriro aurkitu behar izaten dituzte familiartekoak, eta familian berriro dagokien rola hartu behar izaten dute. Horrez gain, bere(n) bizitza(k) familia-unitate bezala antolatu behar dituzte, eta ez orain arte bezala; eta egokitzapen horri aurre egin behar diote. Ildo horretan berean, beste gizarte- eta ekonomia-egoera batera egokitu behar dute eta, horretarako, laguntza eta informazioa beharko dute. Bestalde, berriz elkartzen denak ingurune berrian laguntza eta orientazioa beharko ditu, migrazio-prozesuan izandako galerak berregiteko laguntza beharko du, eta haren bizileku izango den gizarte-inguru berria ezagutzeko eta ulertzeko laguntza eta informazioa beharko ditu.

XXI. mendeko gizarteetako gatazkak konplexuak dira eta erakundeen funtzionamendu-ereduak ez dira oso azkarrak, departamentuka funtzionatzen dutelako. Bi aldagai horien eraginez, batzuetan herritarren eskaerei ez zaie behar besteko arintasunez erantzuten, eta erantzunak ez dira oso eraginkorrak izaten.

Horren ondorioz, erakundeen utzikeria sentsazioa zabaltzen da. Horregatik guztiagatik, eta Pasaiako gizarteak bizi duen unea aintzat hartuta, bizikidetza sustatzeko ekintzekin batera, ezinbestekotzat jotzen da gizarte-alarma sortzen duten egoerei erantzuna bideratzea ahalbidetuko duen sistema bat egituratzea, bizikidetzaren aldeko jardunbide egokiak eta ekintzak eragingo dituena.

Aztoramendu soziala sortzen duten gatazken ezaugarria da hainbat pertsona-talderi eragiten dietela, eta, aldeek salaketak jarri edo esku-hartze judizialak egin arren, haiek konpontzea zaila dela, bertan eragiten duten hainbat aldagairengatik.

Gainera, denboran zehar irauten duten gatazkak dira, Udalaren zenbait arlo ukitzen dituzte, eta haietako bakoitzak, berak bakarrik, ezin dio egoerari aurre egin.

Gaztaka horiek modu integralean jorratzeko, egokia da udal-arloetako teknikariek adostutako jarduketa-protokolo bat lantzea.

Oinarrizko helburua da gatazkak betirako ez izatea eta, ahal den neurrian, esku-hartze arinak, prebentziozkoak eta integratzaileak egitea.

Beraz, Gatazkak Kudeatzeko Taldeak sortzen dira udal-arloen eta udalaz gaindikoen batasunetik, aztoramendu soziala sortu dezaketen egoerak jorratzeko eta gatazkak kudeatzeko diziplinaren ikuspegitik. Erabakiak hartzeko gaitasuna duten langile teknikoak izango dira parte-hartzaileak.

Emakume etorkinen asteroko topaketak. Bi ordukoak izaten dira, eta kulturarteko bitartekotza-taldeak koordinatzen ditu. Bertan, emakumeek beren bizitzako esperientziak trukatzen dituzte, eta hortik abiatuta, beren egungo beharrak aztertu eta gune seguru bat eraiki ahal izango dute elkarrekin.

Harrera On gunea ESKUBIDEAN Planaren bigarren lerro estrategikoaren barruan dago kokatuta (Adingabekoei harrera ona egitearen aldeko jarrera sustatzea, haien jatorria edozein izanda ere).

Programa honen helburu nagusia da haurrek elkarren artean jolas egin dezaten, elkar ezagutu dezaten, eta jolasgune bat izan dezaten haurrak izaten jarraitzeko. Adingabeko iritsi berrientzako eskola-orduz kanpoko jarduera da; euskara komunikazio-hizkuntza modura erabiliz, jolastu egiten dira, nora iritsi diren ulertzen dute, eta inguru berrira ohitzen dira.

Hori guztia nor bere kultura-identitatearen jabe dela, eta aniztasunaren aldeko errespetua sustatzen dela.

Taldeak adinen arabera banatzen dira: 6tik 8ra; 9tik 11ra; eta 12tik 16ra.

Harrera benetakoa izan dadin, taldeak elkartzeko denbora, gehienez ere, hiru urtera mugatu dugu, helburu nagusia haurrak eta gazteak udalerriko gune normalizatuetan txertatzea baita.

Hartzaileak: migrazio-prozesu bat bizi izan duten 6 eta 16 urte bitarteko haurrak eta gazteak.

Zerbitzua erabili ahal izateko interesdunak bi baldintza hauetako bat ere bete beharko du:

1. Pasaiako udalerrian erroldatuta egotea.
2. Ikasketak udalerriko hezkuntza-komunitate edo ikastetxe batean egitea.

Banakako bitartekotza-proiektu bat da, eta bertan, bitartekari batek bitartekotza-lana egiten du jatorri etorkina duen pertsona baten eta beste pertsona baten artean (profesionala, partikularra, erakundea edo baliabidea). Helburua da haiek modu autonomoan moldatu eta gizarteratu daitezen laguntzea.

Aurreko urtean Irunen erroldatutako etorkinei harrera egiteko proiektua. Asmoa da Irunek hainbat arlotan (instituzioak, haurrak eta gazteak, aisialdia, kultura, etab.) eskaintzen dituen baliabideak ezagutzera ematea eta topaketa- eta harreman-guneak sustatzea.

Irakurketa erraza klubak aditu batek kudeatzen dituen topaketa espazioak dira. Saioen dinamika irakurketarako edo hizkuntza horren ulermenerako edonolako zailtasunak dituzten pertsonen beharretara egokitzen diren materialen irakurketan datza. Material hauek, izenak berak dion moduan, irakurketa errazaren metodologiaz daude idatzita. Asteazkenero, abuztua eta gabonak ezik, eskaintzen dira saio hauek, goizez, Aizpuruenea Kultur Etxean.

Saio horietara joaten dira migrazio-prozesua pairatu duten emakumeak, eta saioetan informazioa helarazten zaie: Pasaiari buruzkoa, Pasaian eta eskualdean dauden zerbitzuei buruzkoa, Euskal Herriko kulturari buruzkoa, eta abar.

Aldi berean, talde-dinamika baten bidez, migrazio-prozesuaren eraginak eta ondorioak aztertzen dira, eta herriko elkarteen dinamikan parte hartzeko gomendioa egiten zaie.

Programa horrek helburu estrategikoa dauka: migrazio-prozesua bizitzen ari diren Pasaiako emakumeei talde edo gune bat ireki eta abian jartzea.

Saioak, asteazkenero egiten dira, 16:30etatik: 18:30ak arte. Urtarriletik ekainera eta urritik abendura.

Sukaldanitzak egitasmoak aniztasuna eta sukaldaritza batzen ditu, izenak berak dion
bezala. Horrela, sukaldaritza tailerrak direla medio, jatorri ezberdinetako pertsonek elkar
ezagutzarako espazioa aurkituko dute lapiko artean aurreiritziak hautsiz.
 
Tailer hauetan bertako eta atzerriko sukaldaritza ikasteko aukera izan dute partaideek, Urretxuko elkarte gastronomiko batean. Saioaren hasieran herriko merkataritza txikia bultzatu nahian, osagaiak erostera joaten dira sukaldari eta ikasleak. Ondoren, sukaldaritza tailerrak garatzen dira, azkenik, prestatutako jakiak elkarrekin partekatzeko.

Aniztasun Mahaiko talde eragile batean bilduta, estrategia, metodologia eta edukiak lantzen ditugu, urtero, udaberrian zehar, hurrengo kurtso hasieran, udazkenean, alegia,
DBH 4ko ikasleekin garatzeko asmoz. Prozesu hau 3 etapa ezberdinetan banatuko da: errealitatea aztertu eta hausnarketa egin, estereotipo eta aurreiritzien funtzionamendua ezagutu, eta azkenik, sormena eta artearen bitartez, landutakoaren adierazpena taldeka.