Zarauzko Udalak sortutako ekimena da herrian bizi dugun kultura aniztasuna erakutsi eta batez ere azken urteotan Zarautza etorri diren bizilagunen integrazioa bultzatzeko.
Herriko elkarte gastronomikoetan, mahai baten inguruan jatorri ezberdineko zarauztarrok elkartzen gara elkar-ezagutu eta herriko parte diren kulturetako gastronomiak dastatzeko.
Proiektuaren helburuak
Helburu nagusiena jatorri ezberdineko zarauztarren arteko elkar-ezagutza bultzatzea da bi norabideko integrazio prozesua errazten duelakoan. Ikusita, SOS Arrazakeriak antolatzen duen Bizilagunak ekimenak Zarautzen ez zuela arrakastarik, bazkariak etxeetatik atera eta elkarteetara eramatea erabaki genuen.
