Gunea zabalik dago bertara hurbildu nahi duten emakume guztientzat, eta aukera ematen du jatorriz askotariko Emakumeen taldeko kideek eta Pasaian bizi diren beste batzuek elkar ezagutzeko eta sareak sortzeko. Izan ere, elkar ezagutzeko, eztabaidatzeko eta bizikidetza indartzeko gune bat da.
Saioak izaten dira hilabetean behin (Hilabete bakoitzaren azkeneko asteazkenean), 17:00etatik- 20:00ak arte), urtarriletik ekainera; eta urritik abendura.
Proiektuaren helburuak
Helburu nagusia:
Jatorri askotariko emakumeen arteko gunea eskaintzea, elkar ezagutzeko, euren arteko elkarbizitza sustatzeko, betiere ikuspuntu feminista komunitario baten bitartez.
Helburu zehatzak:
1. Pasaian bizi diren jatorri askotariko emakume migratzaileen eta bertakoen artean sare komunitario feminista sortzen laguntzea.
2. Kultur arteko trukea eta elkar ezagutza indartzea.
3. Aurreiritzien eta arrazakeriaren kontra egitea.
