Muturreko adimena duten pertsonentzako eta haien familientzako informazio-, balorazio- eta orientazio-zerbitzua.
Proiektuaren helburuak
Mugako adimena duten pertsonen diagnostikorako, baliabideen informaziorako eta orientaziorako zerbitzua da programa hau, eta honako helburu hauek ditu:
1. Mugako adimena duten pertsonen diagnostikoa egitea, nazioarteko sailkapenen arabera, eta, horretarako, dagozkion ebaluazio eta diagnostiko psikologiko eta sozialeko prozeduretara jotzea, eta, hala badagokio, dagokion Mendekotasunaren, Desgaitasunaren eta Bazterkeriaren Balorazio eta Diagnostiko Zerbitzuari peritu-balorazioa eskatzea.
2. Orientazio egokia egitea, diagnostikoan oinarrituta, bai pertsonari, bai familiari, beren garapen pertsonalerako, sozialerako, laboralerako eta abarretarako zuzenenak iruditzen zaizkien erabakiak har ditzaten.
3. Banakako Arreta Programa bat egitea, mugako adimena duten pertsonei eta haien senideei eman beharreko laguntzei buruz.
Ortzadar mugako adimena dugun pertsonok eta gure sendiek sortutako elkartea da. Gure kolektiboa ez da oso ezaguna eta ondorioz, sarritan, gure laguntza beharrak ez dira aitortzen.
Entitatearen helburuak
Hori dela eta, gure beharrei eta arazoei erantzuna bilatzeko bildu gara elkarte honetan. Gainera, Ortzadarren mugako adimena dugunok zuzendaritza-batzordearen parte gara.
