Aktualitatea

2024·06·21

Eraldaketa Energetikoaren Bulegoak aholkularitza emango die herritarrei energia-komunitateak sortzeko, energia berriztagarria erabiltzeko eta autokontsumoa lortzeko funtsezko pieza.

Bulego Honen bitartez, Jasangarritasun Departamentuak trantsizio energetiko jasangarri eta sozialki bidezkoaren aldeko apustua egiten du, herritarren parte-hartzea bultzatuz, sorkuntza eta kontsumoko informazio-sistema garden baten bidez.

Gipuzkoa bere kultura energetikoa aldatzeko prozesuan dago. Modu jasangarrian bizitzea, haztea eta aurrera egitea da Gipuzkoako Foru Aldundiko Jasangarritasun Departamentuaren helburua. Eta, ildo horretan, beharrezkoa da gure energia-sistema energia berriztagarrien ekoizpen eta kontsumo baterantz aldatzea, kontsumitzaileak egungo energia-sistematik bereizteko – faktore politiko-ekonomikoen mende –.

Jasangarritasun Departamentutik, Eraldaketa Energetikoaren Bulegoaren bidez, herritarrak ahaldunduko dira, aldaketa-prozesu horretan aktiboki parte hartzeko aukera gure lurraldeko pertsonen esku jartzeko.

Eraldaketa Energetikoaren Bulegoa doako tresna independente gisa hartuta, gipuzkoarrek eginkizun aktibo hori bete ahal izango dute % 100eko energia berdea, tokikoa eta ekonomikoa sortzeko, kontsumitzeko eta kudeatzeko, energia-komunitateen bitartez.

Hazkunde geldiezina duen eredua, non gaur egun lurralde erreferentea garen. 2020an, Gipuzkoak energia-komunitate bakarra zuen, eta gaur egun, 56, 10.000 familia ingururi estaldura ematen dietenak.

Komunitate horien printzipioa autokontsumo energetikoa da. Eta elkarrengandik hurbil dauden etxeetako eta ETEetako kolektibo txikiek osatzen dituzte. Beren energia modu boluntarioan, parte-hartzailean eta autonomoan ekoizten, kontsumitzen eta kudeatzen duten erakunde juridikoak.

Eta hiru onura nabarmen dituzte herritarrentzat eta lurraldearentzat: herritarrek erabaki-prozesuetan parte hartzea eta gizarte-kohesioa, energia-kontsumo arduratsua (Km 0, berdea eta erabat deskarbonizatua) eta fakturan batez beste % 25-30 inguru aurreztea.

Adibidez, auzo bateko 40 familia inguruko energia-komunitate batek, batez beste, urtebetean atmosferara 400 tona CO₂ isurtzea ekidin dezake. Horren baliokidea izango litzateke karbono-hustutegi gisa 25 urtez jardungo luketen 1.682 zuhaitz landatzea.

Herritarren parte-hartze hori areagotzeko, Eraldaketa Energetikoaren Bulegoak, modu independentean eta doan, erabateko laguntza eskaintzen du Energia Komunitate baten plangintza-, sorkuntza- eta operazio-prozesu osoan.

Lagun-egite hori harago doa, Kontrol Areto berritzaileari esker; izan ere, gela horrek denbora errealean monitorizatzen eta jasotzen ditu horien guztien ekoizpen- eta kontsumo-datu guztiak. Zerbitzu horrek energia-ekoizpenaren eta -kontsumoaren ikuspegi erreala eta eguneratua izatea ahalbidetzen du, instalazioen aurrezpena eta ebaluazioa optimizatzeko, eta igorpenak edo arazo teknikoen edo kontsumo-arazoen alertak murrizteko. Eta, aldi berean, lortutako sorkuntzari eta autokontsumoari buruzko informazio etengabea, guztiz gardena eta publikoki gainbegiratua eskaintzen die parte-hartzaileei.

Herritarrei arreta emateko zerbitzua

Berriki inauguratu den Eraldaketa Energetikoaren Bulegoak herritarrentzako arreta-zerbitzu bat du, energia-komunitateei buruzko herritarren edozein kontsultari erantzuteko, 943.11.2908 telefonoaren, energiabulegoa@gipuzkoa.eus helbide elektronikoaren edo www.naturklima.eus webgunearen bidez. Kanal horiek informazioa emango dute abian dauden proiektuei buruz, datozen hilabeteetan aurreikusita daudenei buruz eta energia-komunitate bat eratzeko eta osatzeko bideei buruz.

Bisita horren bidez, Jasangarritasun Departamentuak, Eraldaketa Energetikoaren Bulegoaren bidez, ahalduntze energetikoko sistema hori eta laguntza-lanaren sistema informala hurbildu nahi die herritarrei. Bokazio didaktiko hori argitaratu daitezkeen hiru infografiatan jasota geratzen da, gipuzkoarrek herritarren mugimendu geldiezin eta ahalduntzaile horren parte izateko aukera azter dezaten.

Donostia, 2024ko ekainaren 21a