Gnat filmak

100 días de Soledad  

José Díazek bere burua filmatzen du Redeseko (Asturias) Parke Naturaleko txabola batean sartuta 100 egunez, inoren laguntzarik behar ez duela eta benetako mundutik eta bere aurrerapenetatik guztiz deskonektatuta. Ez du izango argindarrik, ez mugikorrik, ez telebistarik, ez ordenagailurik, ez ordularirik… Gizakia eta natura, biak bakarrik.

Egilea

José Díaz

Urtea

2018

Mota

Dokumentala

Ekoizlea

Wanda Films

Hizkuntza

Gaztelania

Erabilgarritasuna

Salgai interneten

Barbacana, la huella del lobo  

Ekoizpen berri honek hiru istorio bilbatzen ditu:

Alde batetik, Acajú ekoiztetxeko lantalde teknikoarena, zeina saiatuko baita otsoak filmatzen natura bete-betean. Erronka zail horri erantzun beharko diote, eta halako filmaketa batek sortzen dituen arazo ugariak gainditu.

Beste alde batetik, otso saldo baten bizimodua erakutsiko da, haren ingurune naturalean. Ikusiko dugu nola jaiotzen diren otsokume berriak, eta ezagutuko dugu nolakoa den familia-klan baten egunerokoa.

Eta sartuko gara otsoaren errealitate sozialaren barruan: espezie bat, zeinak bihotza sutan jartzen baitu irrikaz nahiz gorrotoz, eta maitasuna eta gaitzespena sortzen baititu. Abeltzainak, otsoaren alde eta kontra daudenak.

Hiru kontakizun paralelo, denboran eta espazioan, azkenean bat egingo dutenak. Ahalegintzearen eta gainditzearen kronika bat, ezagutzera eman nahi duena zer-nolako garrantzia duen otsoak ekosistema iberiarretan, eta zer kontserbazio-arazo dituen. Hori dena zinema digitaleko kamerarik modernoenekin filmatua, filmateka-tresnarik aurreratuenekin. Irudi eta soinuzko ikuskizun bat gure zentzumenentzat.

Egilea

Arturo Menor

Urtea

2018

Mota

Dokumentala

Ekoizlea

Acajú Comunicación Ambiental

Hizkuntza

Gaztelania

Erabilgarritasuna

Salgai sarean, http://barbacana.org/ webgunean

Lurraren bidean  

Arrokak. Badirudi betidanik egon direla hemen eta betirako egongo direla. Euskal Herriko bazterrek hamaika forma ezberdin izan dituzte milioika urteetan zehar eta haitz hauek etengabe bertan errotu dira, tinko.

Egun zuhaitzez, eremu landatuz eta herriz betetako lurralde hauek iragan batean dinosauroak bazkatzen zuten ibai sareak, deltak eta arrezifez inguratutako itsaso tropikalak ziren.

Paisaia eta klima aldaketa hauen frogak arroketan daude idatziak, eta geologoen begiak erabiliz, historia zoragarriak kontatzen dituzte. Aiako Harriatik abiatuz gure herriaren historia geologikoaren altxorrak deskubrituko ditugu.

Egilea

Euskal Herriko Unibertsitatea, Aranzadi Zientzien Elkartea

Urtea

2018

Mota

Dokumentala

Ekoizlea

Euskal Herriko Unibertsitatea, Aranzadi

Hizkuntza

Euskara

Erabilgarritasuna

Urola Ibaia  

Herritarrak sentsibilizatzea eta Urola ibaiak dituen altxorrez jabetzea du xede. 

Egilea

Javier Arenas, Luis Juaristi

Urtea

2018

Mota

Dokumentala

Ekoizlea

Javier Arenas, Luis Juaristi

Hizkuntza

Euskara

Erabilgarritasuna

Ez dago ikusgai

Cantábrico  

Iberiar penintsularen iparraldean 400 kilometro baino gehiago dituen mendikate garrantzitsu bat altxatzen da, bere izen berbera duen itsasoaren ertzari paraleloan hesi handi baten moduan: Kantauriar itsasoa. Beste isurialdean, Kantauriko mendikateak kanoi eta pago, haritz eta gaztainondo baso trinko kontinentalez betea dago. Itsasoaren bero eraginak euri jasa askoko klima ekarri du, landaredi oparoko mendiak sortuz. Animalia asko eta antzin-antzinatik bertan bizikide izan diren beste bizidun batzuen ezkutaleku paregabea da.

Guztiaren gainetik, ipar hemisferioko izaki bikainenetako baten lurraldea da: hartz kantauriar arrea. Eta animalia zoragarri hori da, hain zuzen ere, gure filma gidatzeko aukeratu dugunetako bat. Kantauriar lurra leku magiko eta misteriotsua da, eta txoko ugari gordetzen ditu oraindik. Basoen erreinua da, zaldi basatien jabaria, lainoek otso iberiarrak, basakatuak eta basoilarrak ezkutatzen dituzten lurra, fantasiak eta errealitateak elkarrekin bidea egiten duten lekua. Eremu basati bat, ahaztua jarraitzen duena, munduak ezagutu beharko lukeena.

Egilea

Joaquín Gutiérrez Acha

Urtea

2017

Mota

Dokumentala

Ekoizlea

Wanda Films

Hizkuntza

Gaztelania

Erabilgarritasuna

Alokairuan eta salgai plataforma desberdinetan

Burbunak eta Etsayak  

Burbunak eta Etsayak Hernaniko natura eta ahozko ondarea biltzen dituen dokumentala da, eta Hernaniko bailaretan gizaldiz gizaldi transmititu den aberastasuna erakusten digu. Landare eta animaliei buruzko cor­pusa osatzeko helburuarekin hasi zen, baina aurretik, dokumentala egin dute, naturarekin harremana mantendu duten hernaniarrei egindako elkarrizketekin osatua. 25 hernaniar ingururi egindako elkarrizketekin osatu dute lana. 

Egilea

Dobera Euskara Elkartea, Aranzadi Zientzia Elkartea

Urtea

2015

Mota

Dokumentala

Ekoizlea

Dobera Euskara Elkartea, Aranzadi Zientzia Elkartea

Hizkuntza

Euskara

Erabilgarritasuna

Interneten ikusgai doan (https://www.youtube.com/watch?v=aIUMnLk8DCw&feature=youtu.be) eta sarean salgai

Las estaciones  

Hegazti migratzaileen atzetik munduan zehar ibili ondoren, eta baleekin eta mantarraiekin itsasoak zeharkatu ondoren, Jacques Perrin eta Jacques Cluzaud gai ezaguneko pelikula berri batetik datoz. Bidai honetan denboran zehar azken izotz arotik animalia basatiekin partekatu dugun Europako herrialdeak berraurkituko ditugu. Neguak 80.000 urte zeramatzan, epe labur batean kontinente osoa estaltzen zuen izugarrizko basoa sortu zenean. Planetaren konfigurazio berriak aldaketak ekarri zituen; urtaroen zikloa ezarri zen, paisaiak metamorfosi bat jasan zuen eta flora eta fauna historia aurrera joan ahala garatzen joan zen. Bukaezina zirudien izotz aro horrek baso berde oparo bat ekarri zuen, eta sortu berri zen Homo sapiensek orain ezagutzen dugun zelai itxura eman zion. LAS ESTACIONES aparteko ipuin bat da, gogoetara gonbidatzen zaituena, eta bertan kontatzen da nola bat egiten duten, betirako, gizadiak eta animalien erreinuak.

Egilea

Jacques Perrin,  Jacques Cluzaud

Urtea

2015

Mota

Dokumentala

Ekoizlea

France 2 Cinéma / Galatée Films / Pandora Filmproduktion / Pathé

Hizkuntza

Gaztelania

Erabilgarritasuna

Alokairuan eta salgai hainbat plataformetan