Erregistroa

Gipuzkoako mahastien erregistroa

Gipuzkoako Mahastien Errregistroa gipuzkoar mahastizaintzaren benetako egoera ezagutzeko ezinbesteko tresna tekniko-administratiboa dugu; mahastizaintza eta ardogintza sektorearen derrigorrezko informazioa biltzen du eta, hortaz, Lurraldearen mahastizaintza eta ardogintza ahalmenari buruzko informazio eguneratua eta fidagarria gorde behar du. Ardogileak izango dira aitortu edo hartan erregistraturiko datuen egiazkotasunaren erantzule, baita, hala badagokio, horien aldaketen edota eguneratzeen eta aitorpenen edota ondoren egingo diren eskaeren erantzule ere.

Gipuzkoako Mahastien Erregistro hori landaturiko mahasti eremuaren errealitatea erakustera emateko saioa da, eta hortaz mahastizaintza eta ardogintza ustiategien identifikazio eta kokapenari buruzko datuak biltzen ditu, baita horien titularitateaz (mahastizainak eta jabeak) eta mahasti horien datu katastral eta agronomikoez ere: vinifera barietateak, landaketa urtea, landaketa barrutia...).

Laburbilduz, Gipuzkoako Mahastien Erregistroa izaera publiko eta tekniko-administratiboko erregistro informatiko bakarra da; bertan mahastizaintza eta ardogintza sektorearen derrigorrezko informazioa biltzen da, helburu bikoitzarekin:

• Sail landuen kudeaketa tekniko-administratiboa mahastien bilakaera monitorizatu eta kontrolatzearren.
• Datu basea, sektorearen estatistika ofizialen iturri gisa.

Erregistro hau mahastizaintza eta ardogintza ustiategiak osatzen dituzten lur sailetan izandako aldaketei lotua dago, dela horien egitura eta agronomia ezaugarrietan dela horien jabetzan; hortaz, mahastizainen esku dago beti edozein gaurkotze/aldaketa dela eta.

Gipuzkoako Mahastien Erregistroan aldaketa/gaurkotze eta baja emateko inprimakiak

Ez dago muga egunik leiho horretarako (urte osoa zabalik dago), halako eran non etengabe aplikatu daitekeen.

GMEko datuak aldatzeko/gaurkotzeko eskaera hauek era orokorrean diseinaturik daude, ondokoak prozesatu ahal izateko:

• Lursailen edota mahastien altak eta bajak
• Datuak aldatzea/gaurkotzea
• Jabetzapeko transmisioak edota jabetza eguneratzea

Autokontsumoa

Hona hemen autokontsumorako diren mahastiak bete behar dituzten baldintza guztiak: Dokumentua deskargatu

Autokontsumo edo familia-kontsumora zuzendutako landaketek ez dute landatze-baimenik behar, baina administrazioari jakinarazi behar diote. Honako baldintza hauek bete behar dituzte (goian deskargatu daitekeen dokumentuan betekizun guztiak azaltzen dira):

• Azalera ez da 1.000 m2 baino gehiagokoa izango.
• Azalerak ez du ardotarako edo beste mahastizaintza-produktu batzuetarako ekoizpenik.

Autokontsumo-ustiapen titularrak uztako nahitaezko adierazpena urtero izatetik salbuetsita geratzen dira.

Ustiapen hauetako titularrak ezin izango dira izan ekoizpena merkaturatzen diren ustiapenetako titularrak.

Aurkeztu beharreko dokumentazioa

Hona hemen aurkeztu beharreko dokumentazioa: Dokumentua deskargatu

Orokorrean, hauxe da eskatzen dena:

• Komunikazio Dokumentua – Eredua deskargatu [.docx]
• Mahastia autokontsumorako soilik izango denaren adierazpena. – Eredua deskargatu [.docx]
• Eskatzailearen NANa eta lursailaren jabearen NANa (ezberdinak baldin badira)
• Lursailaren jabe edo lursaila alokatuta dagoela erakusten duen dokumentua (lursailaren alokairu kontratua, eskritura, etab.) .

Arrankeak (I eta II eranskinak)

Arranke eskaera eta ebazpena kanpaina berekoak izango dira.

Hurrengo pausuak eman behar dira arrankeak egiteko eta komunikatzeko:

Birlandaketak (III. eta VIII. eranskinak)

Nola eta noiz eskatu behar da birlandaketa baimena?

• Birlandaketa baimenaren eskaera arrankearen ebazpenaren jakinarazpenaren ondoko bigarren kanpaina amaitu baino lehen aurkeztu behar da. Hala ez bada, birlandaketa baimena eskatzeko eskubidea galdu egiten da.
• Birlandaketa baimenen balio-epea:
  • 3 urte
  • Inoiz ez 2030/12/30a baino lehen.
• Ebazpen eta jakinarazpen epea: 3 hilabete eskaera aurkezten denetik.
• Isiltasuna: baliozkoa.

Eskaera/komunikazio dokumentuak deskargatu

Birlandaketa baimen eskaera - III. eranskina [pdf]

Birlandaketa gauzatu izanaren aitorpena/komunikazioa - VIII. eranskina [pdf]