Mendian erreketak egiteko baimen eskaera

Azalpena

Nekazaritza lurretan sastrakak, sasiak edo mozketa ondoko zaborrak kontrolpean erretzeko baimenak emateko eskaera

Prozedura

  1. Internetez Gipuzkoatariaren. Leiho berrian irekiko da. bitartez aurkeztuz 
  2. Aurrez aurre
    • Erreketa egingo den lursaila kokatuta dagoen udalerriaren arabera, dagokion Eskualdeko Nekazaritza Bulegora joan.
    • Erreketa egingo den eremuko basozainari deitu telefonoz, eskaera in situ tramitatu dezan horretarako duen gailu digitalaren bidez.
  3. Eskatuko diren datuak (informazio gehiago gidaliburuan. Leiho berrian irekiko da.)
  • Lekuaren izena
  • Erreko den azalera
  • Partzelaren mugak
  • Sarbideak
  • Erreko den landaredi mota

Jaso beharreko agirira

  • Erreketa baimentzea edo ukatzea (administrazioaren isiltasuna: ezetsia)
    • Jakinarazpen elektroniko bidez eskaera elektronikoki egin bada
    • Posta arrunt bidezko jakinarazpena eskaera aurrez aurre egin bada

Informazio gehigarria

Arautegia

Oharrak

  • Erreketarako baldintzak:
    • Egunero, erreketa hasi aurretik 943 420326, telefonora deitu behar da baimenaren zenbakia jakinarazteko. Deitutakoan, gerta daiteke erreketa debekatzea edo atzeratzea baldintza atmosferiko onak izan arte.
    • Erabat debekatuta dago erreketak egitea haize handiko egunetan, bereziki hego haizea dabilenean (indar gutxikoa dela iruditu arren), eta beti egun fresko eta baretuetan egingo da. Ondorengo orduetako eguraldiaren iragarpena kontsultatzea gomendatzen da.
    •  Erreketa egitean, sua goiz partean piztuko da eguerdiko ordu bata bitartean, eta zaintzen jarraitu behar da, bertatik alde egin gabe eta sua erabat itzali arte, bermatuz erabat itzalita dagoela eguzkia sartu baino bi ordu lehenago.
    • Erreketa egiten den bitartean, erretzeko baimena gainean eraman beharko da, agintaritza eskudunak hala eskatuz gero erakutsi ahal izateko.
    • Debekatuta dago igande eta jaiegunetan sua egitea.
    • Landaretza dagoen aldean (zuhaitzak, sastrakak nahiz larreak izan) su ebakiak ireki behar dira, landaretza guztia soilduz.
    • Debekatuta dago makinaz bildutako mozketa hondarrak erretzea.
    • 46/2001 Dekretuak, martxoaren 13koak, Euskal Autonomia Erkidegoan erabiltzen ez diren pneumatikoen kudeaketa arautzen duenak, xedatutakoaren arabera, debekatuta dago pneumatikoak erabiltzea erreketetan sua pizteko.

Jakin beharrekoak

  • Larrialdietarako telefonoa: SOS-DEIAK: 112
  • Axolagabekeriaz jarduteagatik edo baso suteei buruzko arautegian ezarritako baldintzak ez betetzeagatik suteren bat gertatzen bada, horren erantzulea erreketa baimenaren titularra izango da. Beraz, erantzulearen kontura izango dira sua itzaltzeko lanen gastuak eta dagozkion kalte-ordainak, halakorik egonez gero.