Gipuzkoako Lankidetza Mahaiak Gipuzkoako gizartearen parte-hartzea handituko du elkartasun eta garapen programetan
Diputatuen Kontseiluak bihar onartuko du Lankidetza Mahaiaren sorrera, Denis Itxaso Kultura eta Lankidetza diputatuak hala proposatuta eta datozen asteetan mahai hori eratuko da, kideak izendatuta. Organo hori etengabe arituko da bitartekari gisa GGKEen, gizarte zibil antolatuaren eta Foru Administrazioaren artean, nazioarteko lankidetzaren eta elkartasunaren arloan, betiere erreferentziatzat hartuta Nazio Batuen 2030 Agenda eta Garapen Jasangarriko Helburuak.