Aldizkari Ofizialetan argitaratutako dirulaguntzen laburpena

Jarraian jasotzen da aldizkari ofizialetan argitaratutako eta toki entitateei zuzendutako diru-laguntzei buruzko informazioa:

Oinarriak onartzen dira laguntza ekonomikoak emateko EAEko toki-entitateei, tokiko organismo autonomoei eta tokiko merkataritza-sozietateei immigrazio-teknikariak kontratatzen jarraitu eta immigrazioaren eta kulturarteko bizikidetzaren alorrean jarduerak gara ditzaten, eta 2024. urterako deialdia egiten da. Eskaerak aurkezteko epea azaroaren 18an amaituko da.

2024ko ekitaldian dirulaguntzak ematen zaizkie toki-erakundeei eta haiek sustatutako erakundeei, kontsumitzaile eta erabiltzaileen eskubide eta interesak susta eta babes ditzaten.

René Cassin 2024 sarirako deialdia egiten da. Hautagaitzak aurkezteko epa azaroaren 18an amaituko da.

2024. urtean Aula Mentor programaren mendeko Mentore Gelak sortzeko laguntzetarako deialdia egiten da, Europar Batasunak finantzatutako Berreskuratze, Eraldaketa eta Erresilientzia Planaren esparruan. Eskabideak aurkezteko epea azaroaren 11n amaituko da.

2024ko ekitaldian, handitu egin da lurralde-eraldaketarako eta despopulazioaren aurka borrokatzeko proiektu berritzaileak finantzatzeko toki-erakundeek sustatutako proiektuak finantzatzeko laguntzen deialdian hasieran finkatutako zenbatekoa.