Zerga itunduen diru bilketa metatua Gipuzkoan 2025eko otsailaren 28ra arte
Otsailera arte, Gipuzkoan, zerga-bilketa metatuaren hazkundea %6,6 izan da aurreko urtearekin alderatuta, sarrera gordinak %7,2 hazi direlako, eta itzulketak %16,4. Zuzeneko zergak %5,9 handitu dira eta zeharkako zergak %8,1.
- 113
Azkeneko urteetan, otsaila bitarteko zerga-bilketa urte guztikoaren %12 eta %15 bitartekoa izan ohi da. Beraz, otsail arteko datuak bakarrik izanda, goizegi da oraindik urte bukaeran zerga bilketak izango duen emaitza aurreikusteko.
Otsailera arteko bilakaera positiboa esplikatzen du, alde batetik, sarrerek ondoko kontzeptuetan izandako hazkundeak: BEZa, kapital higikorraren etekinen atxikipenak, ondare irabazien atxikipenak eta lan atxikipenak. Bestalde, otsailera arteko zerga bilketan eragin negatiboa izan dutenen artean aipatu behar da PFEZaren kuota diferentzialaren itzulketak handitu direla.