Herritarren arretarako bulegoak:

informazioa eta gomendioak

Ikusi gure bulegoen kokalekua, ordutegia eta gure zerbitzuen katalogoa web orri honetan: departamentuaren bulegoak.

Bulegoetara etorri aurretik, gomendio hauek eskaintzen dizkizugu:

Garrantzitsua da dokumentazio zuzena aurkeztea. Horretarako, egin nahi duzun tramiteari buruzko informazio konkretua begiratu dezakezu web orri honetan, edo 943 113 000 zenbakira deitu dezakezu.
Indarrean dagoen NAN ekarri behar da beti.
Idazki bat gure erregistroan aurkeztu nahi baduzu, zure esku formulario hau jartzen dugu.

Jarraian, tramite batzuetarako informazio xehea ematen dugu, pausoz pauso azalduta, eta, gure bulegoetara etorri nahi ez baduzu, gestioak egiteko dituzun alternatibak eskaintzen dizkizugu.

Gure bulegoetan bakarrik egin daitezkeen tramiteak

BakQ sinadura elektroniko aurreratua eskatu. Kontsultatu ezazu informazio guztia Izenpe-n eta baita BakQ-a lortzeko puntuen mapa.
Baimenaren bidez hirugarren baten ziurtagiria, aitorpen kopia edo ordainketa gutuna lortu, baimena ematen duen pertsonaren NANaren kopia gehituta.
Eskualdaketen gaineko zergaren autolikidazioak aurkeztu.
- 60-T eredua. Informazio orriak:
  - Erabilitako ondare higiezinen eskualdaketa. (PDF)
  - Partikularren arteko mailegua. (PDF)
  - Itsasontzien eskualdaketa. (PDF)
- 60-A eredua (egintza juridiko dokumentatuak: BEZari lotutako higiezinen erosketa, hipoteka maileguak, enbargo idazpenak…)
- 60-S eredua (sozietate eragiketak)
- 620 eredua (ibilgailu erabilien salerosketa: informazio orria (PDF))
Oinordetzen eta dohaintzen gaineko zergaren autolikidazioak aurkeztu zerga egitatea eskritura publikoan dokumentatu denean, edo usufruktua amaitzen denean, edo ibilgailu bat eskuratzen denean.
- 670 eredua (oinordetzak: herentziak, legatuak, oinordetza itunak…informazio orria (PDF))
- 671 eredua. Informazio orriak:
  - Diruaren dohaintza. (PDF)
  - Ibilgailu motordunen dohaintza. (PDF)
  - Ondasun higiezinen dohaintza. (PDF)
- 672 eredua (bizitza aseguruak: Informazio orria (PDF))
Paperean aurkeztu tramitazio elektronikora behartutako kolektiboentzako salbuespen jakin batzuk zentsu aitorpenean (036 eredua).

Bazenekien ondoko gestioak telefonoz edo internetez egin ditzakezula identifikazio elektronikorik izan gabe?

Ziurtagirien eskaera
Informazio fiskala eskatu
Itzulketen egoera kontsultatu
Zerga zorrak ordaindu
Errenta mekanizaturako aurretiazko hitzordua eskatu eta proposamenak onartu (kanpainan bakarrik)
Kontsulta orokorrak egin (administrazioa lotzen ez dutenak), eta kexak eta iradokizunak azaldu; zerga iruzurreko salaketak eta informazio publikoaren eskaerak aurkeztu (Gertubide)
Kontraste datuaren bidez aitorpen hauek bidali: 109-Errenta, 180, 190, 345 eta 347 ereduak (bakarrik internetez Zergabidea-Beste sarbide batzuk)

Internet bidez egin ditzakezun tramiteak, identifikazio elektronikoa baduzu

Aurreko ataleko gestio guztiez gain, adibidez, momentuan ziurtagiriak eta informazio fiskala lortu.

Zergabidea plataformaren bidez…

Alta eta baja eman jarduera ekonomikoen gaineko zergan (840 eredua)
Alta eman gure datu basean edota datu pertsonalak aldatu (030 eredua)
Oinordetzen eta dohaintzen gaineko zergaren autolikidazioak aurkeztu, kasu hauetan izan ezik: zerga egitatea eskritura publikoan dokumentatu denean, edo usufruktua amaitzen denean, edo ibilgailu bat eskuratzen denean.
- 670 eredua. Oinordetzak: herentziak, legatuak, oinordetza itunak…informazio orria (PDF)
- 671 eredua. Informazio orria (PDF)
Zerga eredu jakin batzuk aurkeztu.
Idazkiak aurkeztu: eskaerak, alegazioak, erantzunak, errekurtsoak…