Nabarmenak 2023
 

Eredu informatiboen aurkezpena internet bidez
 

Programa

ZergaBidea plataforma berria, ordenagailuan instalatzen ez dena. Nabigatzailean abiarazten da.

Programa eskuratzea

• Autentifikazioa beharrezkoa da, eta izan daiteke:
  • BakQ identifikazioa 
  • Ziurtagiria.
  • Erabiltzailea: 190, 345 eta 180 ereduak kontraste datua erabiliz aurkez daitezke (ekitaldiko 110, 111 edo 115 lehenengo ereduaren kuota), eta horretarako erabiltzaile bat behar da. Erabiltzaile bat lortzeko, alta eskatu behar da ZergaBideako BESTE SARBIDE BATZUK apartatuan.
     

180, 182, 184, 188, 190, 193, 194, 198, 296, 345, 346, 720 eta 721 ereduen prestaketa eta aurkezpena.

Eredu hauek ZergaBidearekin bi eratan prestatu daitezke:

• Eskuz.
• Aurreko urteko eredua inportatuz .

2023ko eredu informatibo bat lantzeko, aurreko beste urte bateko eredutik abiatuz, azkeneko hau bikoiztu beharko da, AITORPEN ZIRRIBORROAK izeneko ataletik.

ZergaBideaz aparte, ofiziala ez den programa batekin ere prestatu daiteke.

ZergaBidea bidez prestatzen badira ereduak  zuzenean transmititzen dira.

ZergaBidea programarekin prestatzen ez badira, programa ez ofizialarekin lortutako fitxategia transmititu behar da. Transmisio hau ZergaBideako gune urdinetik egiten da.
 

Gainontzeko ereduen prestaketa eta aurkezpena  (159, 170, 171, 181, 187, 189, 192, 196, 198, 199, 270, 280, 291 eta 781).

• Eredu hauek ZergaBidea programarekin ez dira prestatzen, programa ez ofizialarekin lortutako fitxategia transmititu behar da. Transmisio hau ZergaBideako gune urdinetik egiten da.
   

Ereduak mezu informatiko bidez aurkeztea, XML formatuan (172, 173 eta 289).

Ereduak elektronikoki bidaltzeko zerbitzua egoitza elektronikoan eta Ogasunaren webgunean dago eskuragarri, ereduen atalean.
Aitorpenak jasotzen dituzten mezu informatikoak haien edukia zehazten duten erregistro-eremuetara egokituko dira, eta haien formatua eta diseinuak une bakoitzean Gipuzkoako Foru Aldundiaren egoitza elektronikoan daudenak izango dira.
 

Bigarren aurkezpenak (ordezkoak edo osagarriak)

Normalean, zergapekoak eredu informatiboa datu guztiekin batera aurkezten du jatorrizko aitorpen batean, eta, horrela, bere obligazioa beteta uzten du. Baina gerta daiteke hura egin ondoren konturatzea jatorrizko aitorpenak akatsen bat duela edo osatu gabe dagoela. Hura zuzentzeko, bigarren aitorpen bat aurkeztu behar da, eta, kasuen arabera, ordezko aitorpena edo aitorpen osagarria izan daiteke.
 

Garrantzitsua da jakitea zer alde dagoen bigarren aitorpenaren bi moten artean:

• Ordezko aitorpena: jatorrizkoa ordezkatzen du, eta Ogasuneko datu baseetan bigarren aitorpeneko datuak bakarrik geldituko dira (ordezko aitorpena).

• Aitorpen osagarria: jatorrizkoa osatu egingo du, eta Ogasuneko datu baseetan bi aitorpenetako datuak geldituko dira.

Ordezko aitorpenen eta osagarrien adibideak

190 eredua 10 langileren datuekin batera aurkeztu ondoren, zergapekoa konturatu da eredu horretan:

1. Beste bi langileren informazioa falta dela. Aitorpen osagarri bat aurkeztu daiteke, bi langile horien datuekin batera, edo, bestela, ordezko aitorpen bat 12 langileren datuekin batera.
2. Langile horien guztien datuetako bat -Gizarte Segurantzari buruzkoa- okerra da. Ordezko aitorpena aurkeztu beharko litzateke, 10 langileren datu guztiekin batera.
3. Langile guztientzat datu bat falta da -Gizarte Segurantzari buruzkoa-. Ordezko aitorpena aurkeztu beharko litzateke, 10 langileren datu guztiekin batera.
    

Eredu batzuen aldaketak

Jarraian azaltzen dira eredu informatibo batzuetan egin diren aldaketa nagusiak. Dagozkien foru aginduak argitaratuko dira.

182 eredua- Emaitzak, dohaintzak, doako zerbitzu prestazioak eta bestelako ekarpenak (azaroaren 24ko 539/2023 Foru Aginduaren bidez onetsi eta 2023ko abenduaren 4ko GAOn argitaratua).

Barruan sartzen dira oinarrizko ikerketarako mezenasgoaren aldeko pizgarri fiskalak (5/2022 Foru Araua, abenduaren 20koa):

Abenduaren 11ko 604/2019 Foru Aginduaren 2. artikuluari f) letra bat gehitzen zaio Gipuzkoako Lurralde Historikoan oinarrizko ikerketarako egiten den mezenasgoaren hartzaile diren entitate edo taldeak barruan sartzeko, kenkarirako eskubidea sortzen duten emaitzak, dohaintzak, ekarpenak eta legatuak jasotzeagatik edo kengarriak ere badiren lankidetza enpresarialeko hitzarmenak sinatzeagatik.

«Aitortzailearen izaera» eremuan –1. motako erregistroko 160. posizioa aitortzailearen erregistroan–, honela geratzen da idatzita 8. gakoa:
•    8. Kultur mezenasgoaren edo oinarrizko ikerketarako mezenasgoaren hartzaile diren pertsonak eta entitateak.

2. motako erregistroko –aitortuen erregistroko– 78. posizioan, "Gakoa" eremua aldatzen da I gako berri hau sartzeko:

•    I. Kenkarirako eskubidea ematen duten emaitzak, dohaintzak, ekarpenak eta legatuak, eta oinarrizko ikerketarako mezenasgoa xede duten lankidetza hitzarmenak.

"Atxikipen %" (79-83 posizioak) eta "Errebokazioa" (106. posizioa) eremuak aldatzen dira, I gakoaren erreferentzia sartzeko.
 

189 eredua - Baloreak, aseguruak eta errentak.

Martxoaren 5eko 91/2020 Foru Aginduaren 3. artikulua egokitzen da Zerga betebehar formal jakin batzuk garatzen dituen Erregelamenduaren 48. artikuluko 3. apartatuak duen idazketa berriarekin bat etor dadin.

Aldaketa horrek betebehar gisa ezartzen du ezen bizitza aseguruen kasuan nahitaezkoa izango dela komunikatzea hornidura matematikoak abenduaren 31n duen balioa hartzaileak data horretan erabateko erreskate eskubidea baliatzeko ahalmenik ez duenean (aldi baterako aseguru kontratuen kasuan izan ezik, heriotza edo baliaezintasun kasuetarako prestazioak edo bestelako arrisku berme osagarriak soilik estaltzen badituzte); bizitza aseguruetatik ondorioztatutako aldi baterako edo biziarteko errenten kasuan ere berdin egin beharko da (salbu eta aseguru hartzailea ez bada errenta jasotzen duena eta erreskate eskubideari eusten badio).

"Balorearen gakoa" eremuan F gako berri bat sartzen da, honako hauen berri emateko:
•    Erreskate baliorik gabeko bizitza aseguruak.
•    Erreskate baliorik gabeko bizitza edo baliaezintasun aseguruetatik eratorritako aldi baterako edo biziarteko errentak.

Bi kasuetan, hartzaileari eta abenduaren 31ko hornidura matematikoaren balioari buruz informatu behar da (2/2018 FAren 19. artikulua).

«Balorazioa» eremuan zehazten da ezen, F gako berria bete bada, hornidura matematikoak abenduaren 31n duen balioa adierazi behar dela.

2. motako erregistroko –aitortuaren erregistroko– 130-146 posizioetan, "Balore kopurua" eremua aldatzen da posizio osoak zabaltzeko.
Horren ondorioz, eguneratu egiten dira "Baloreen nominal unitarioa" eta "Zuriuneak" eremuetako posizioak.

190 eredua - Lanaren etekinak, jarduera ekonomikoen etekinak, eta sariak. 

Azpigako berriak sortzen dira F, G eta I ordainketa gakoetarako, Artistaren Estatututik eratorritako atxikpen tasa berriengatik, jabetza intelektualetik eratorritako etekinetarako onetsitakoengatik, eta egile eskubideen ustiapenaren lagapenetik hainbat urtetan zehar sortzen diren konturako aurrerakinengatik.

"Kontratua edo harremana" eremua aldatzen da, sartu nahi baitira arte eszenikoetan, ikus-entzunezkoetan eta musikaletan lan egiten duten artisten eta jarduera hori garatzeko beharrezkoak diren jarduera teknikoak edo osagarriak egiten dituzten pertsonen lan harreman berezi batetik eratorritako kontratuei buruzko aipamenak; bertan, gutxienez ehuneko 2ko atxikipen tasa aplikatuko da.

Eremu berri bat sortzen da: "Estatuan, Euskal Autonomia Erkidegoko foru aldundietan eta Nafarroako Foru Komunitatean sartutako atxikipenak eta konturako sarrerak".   Eremu hori soilik beteko da E gakoko prestazioak daudenean (administratzaile izatetik eratorriak) eta mota horretako lan etekinei dagozkien atxikipenak eta konturako sarrerak eragiketa bolumenaren proportzioan sartzen direnean, Estatuaren eta Nafarroako Foru Komunitatearen arteko Hitzarmen Ekonomikoaren 10.1.f) artikuluaren bigarren paragrafoan eta Euskal Autonomia Erkidegoarekiko Ekonomia Itunaren 7.bat.c) artikuluaren bigarren paragrafoan jasotakoaren arabera.

Gako horri dagozkion atxikipenak Gipuzkoako Foru Aldundian bakarrik sartzen badira, egindako atxikipenen eta konturako sarreren batura jasoko da. 190 ereduan identifikatuko da prestazio horiengatik ogasun bakoitzari sartutako atxikipenen banakapena.

L gakoaren (Beste errenta salbuetsi batzuk) 30 azpigakoa 99 azpigakoa izango da. aurrerantzean.

C ordainketa gakorako (langabezia prestazio edo subsidioak) azpigakoak sortzen dira, SEPEk ordaindutako hainbat prestazio eta subsidio mota identifikatzeko. Banakapen hori lehen aldiz aplikatuko da 2025eko ekitaldiari dagokion 190 eredua aurkezteko, baldin eta aurkezteko epea 2026ko urtarrilaren 1etik aurrera hasten bada.
 

193 eredua - Kapital higigarriaren errentak eta etekinak. (abenduaren 5eko 546/2023 Foru Aginduaren bidez onetsi eta 2023ko abenduaren 13ko GAOn argitaratua)

2. motako erregistroko -jasotzailearen erregistroko– 93-94 posizioetan "izaera" eremua aldatzen da,  eta beste gako bat sartzen da C ordainketa gakoan («A», «B» edo «D» gakoetan sartuta ez dauden kapital higigarriaren beste etekin edo errenta batzuk).

•    15. Egile eskubideen ustiapenaren lagapenetik datozen konturako aurrerakinak, kapital higigarriaren etekintzat hartzen direnean eta hainbat urtetan zehar sortuko direnean.

"Ordainketa" eremua aldatzen da 2. motako erregistroko –jasotzailearen erregistroko– 95 posizioan, gako berri bat sartzeko:

•    5. B" gakoarekin eta "06" izaerarekin adierazitako kapital propioak hirugarrenei lagatzeagatik lortutako beste etekin edo errenta batzuen bitartekari gisa.

"Atxikipenaren %" eremua aldatzen da 2. motako erregistroko –jasotzailearen erregistroko-- 165-168 posizioetan, hainbat urtetan sortuko diren egile eskubideen ustiapenaren lagapenaren konturako aurrerakinei aplikatu beharreko % 7ko atxikipen portzentajea islatzeko.

Eremu berri bat sartzen da, "Estatuan, Euskal Autonomia Erkidegoko foru aldundietan eta Nafarroako Foru Komunitatean sartutako atxikipenak eta konturako sarrerak", 2. motako erregistroko –jasotzailearen erregistroko– 249-313 posizioetan, betiere Estatuan, Euskal Autonomia Erkidegoko foru aldundietan eta Nafarroako Foru Komunitatean sartutako atxikipenak eta konturako sarrerak bereizita informatzeko. Eremu hori kasu honetan baino ez da beteko: kapital higigarriaren etekinei edo atxiki beharreko errentei dagozkien atxikipenak eta konturako sarrerak eragiketa bolumenaren proportzioan sartu behar direnean, maiatzaren 23ko 12/2002 Legearen bidez onetsitako Euskal Autonomia Erkidegoarekiko Ekonomia Itunaren 9.Bat. Lehena.a) artikuluaren bigarren paragrafoan eta 7.Bat.c) artikuluaren bigarren paragrafoan jasotakoaren arabera.
 

198 eredua - Aktibo finantzarioen eskualdaketa, amortizazioa, berreskuraketa, trukaketa o bihurketa.(abenduaren 5eko 544/2023 Foru Aginduaren bidez onetsi eta 2023ko abenduaren 13ko GAOn argitaratua)

1. motako erregistroko (aitortzailearen erregistroko) 198-214 posizioetan eta 2. motako erregistroko (aitortuaren erregistroko) 442-453 posizioetan "Zehapenak" izeneko bi eremu berri sartzen dira,  Batzordearen 2018ko maiatzaren 25eko 2018/1229/EB Erregelamenduan xedatutakotik eratorritako konpentsazio eta zehapenei buruz modu egokian informatzeko. Horrekin, osatu egiten da Europako Parlamentuaren eta Kontseiluaren 909/2014/EB Erregelamendua, likidazio diziplinari buruzko erregulazio arau teknikoei dagokienez.

"Eragiketa gakoa" eremua aldatzen da 2. motako erregistroko (aitortuaren erregistroko) 134 posizioan, "B" eta "U" gakoak ezabatzeko. Izan ere, gako horiek burtsako eragiketa bereziei, balore kotizatuen burtsaz kanpoko eskualdaketei eta batez besteko kanbio haztatuei buruzko irailaren 27ko 1416/1991 Errege Dekretuan araututako eragiketei dagozkie, eta errege dekretu hori indargabetuta dago gaur.

"Balorearen gakoa" eremua aldatzen da 2. motako erregistroko (aitortuaren erregistroko 137 posizioan, "L" gako berria sartzeko (Diferentzien araberako kontratuak).

2. motako erregistroko –aitortuaren erregistroko– 177-184 posizioetan, "Hurrenkera zenbakia" eremua aldatzen da posizioak zabaltzeko. Horren ondorioz, "Zuriuneak" eremuko posizioak eguneratzen dira.

2. motako erregistroko (aitortuaren erregistroko) 209-215 posizioetan «Erlazioaren kodea» eremua ezabatzen da, eta posizio horiek "Zuriuneak" bihurtzen da, eremu hori "B" edo "U" eragiketa gakoarekin egindako eragiketetan soilik betetzen baitzen.

2. motako erregistroko (aitortuaren erregistroko) 224-235 posizioetan "Konpentsazioak" eremua aldatzen da, Batzordearen 2018/1229 (EB) Erregelamendu Delegatutik eratorritako konpentsazioen erreferentzia sartzeko.

2. motako erregistroko (aitortuaren erregistroko) 329-340 posizioetan, "Eragiketaren gastuak" eremua aldatzen da, eragiketa batean hainbat aitortu daudenean nola informatu behar den zehazteko.

2. motako erregistroko (aitortuaren erregistroko) 428-441 posizioetan, "Aktibo finantzarioen eta beste balore batzuen kopurua" eremua aldatzen da, posizio hamartarrak zabaltzeko.

2. motako erregistroko (aitortuaren erregistroko) 454-461 posizioetan, "Lotutako eragiketaren hurrenkera zenbakia" eremua aldatzen da, posizioak zabaltzeko. Horren ondorioz, "Zuriuneak" eremuko posizioak eguneratzen dira.

2. motako erregistroko (aitortuaren erregistroko) 454-461 posizioetan, eguneratu egiten dira "Lotutako eragiketaren hurrenkera zenbakia" eremuko posizio berriei egindako aipamenak. Aipamen horiek eremu hauetan eguneratzen dira: "Lotutako eragiketaren ekitaldia" (2. motako erregistroko –aitortuaren erregistroko-- 368-371 posizioak), "Bitartekariaren IFZ" (2. motako erregistroko –aitortuaren erregistroko--  372-380 posizioak) eta "Bitartekariaren abizenak eta izena, sozietate izena edo deitura" (2. motako erregistroko –aitortuaren erregistroko-- 381-420 posizioak).
 

270 eredua - Zenbait loteria eta apustutan lortutako sarien gaineko karga berezia.

Beste lurraldeekiko koordinazioa eta informazio trukea bermatzeko, beharrezkoa da 1. motako erregistroari (aitortzailearen erregistroari) dagozkion diseinu logikoak aldatzea ondoren zehazten den eran.

1. motako erregistroko (aitortzailearen erregistroko) 136-137 posizioetan, "Zuriuneak" eremua bat gehitzen da.

Honako posizioak aldatzen dira 1. motako erregistroan (aitortzailearen erregistroan):

•    138-146 Aitortutako erregistro kopurua, guztira
•    147-163 Sarien zenbateko edo balorazio osoa
•    164-180 Atxikipenen edo konturako sarreren oinarriaren zenbateko osoa
•    181-197 Atxikipenaren edo konturako sarreraren zenbateko osoa
•    198-500 Zuriuneak
 

289 eredua - Finantza kontuak elkar laguntzaren esparruan. 
           
Eredua arautzen duen aginduaren I. eta II. eranskinen edukia eguneratu da, informazio trukearekin konprometituta dauden herrialdeen egungo egoerara egokitzeko, eta, horretarako, zerrendan sartu dira 2023tik aurrera informazio trukea egingo duten herrialde berriak.

•    Georgia sartzen da.
 

296 eredua - Establezimendu iraunkorrik gabeko ez-egoiliarrek lortutako errentak 

2. motako erregistroan (jasotzailearen erregistroan) "Erregistroaren identifikatzailea edo hurrenkera zenbakia" izena duen eremu berria sortzen da.

2. motako erregistroaren (jasotzailearen erregistroaren) eranskina sortzen da, hain zuzen ere, "Estatuan, Euskal Autonomia Erkidegoko foru aldundietan eta Nafarroako Foru Komunitatean sartutako atxikipenen eta konturako sarreren banakapenaren eranskina" izenekoa, Estatuan, Euskal Autonomia Erkidegoko foru aldundietan eta Nafarroako Foru Komunitatean sartutako atxikipenen eta konturako sarreren berri bereizita emateko. Eranskin hori bakarrik bete behar da atxikipenak eta konturako sarrerak eragiketa bolumenaren proportzioan sartu behar direnean, Estatuaren eta Nafarroako Foru Komunitatearen arteko Hitzarmen Ekonomikoaren 30. artikuluaren 2. apartatuaren bigarren paragrafoan eta 22. artikuluaren Lau apartatuan eta Euskal Autonomia Erkidegoarekiko Ekonomia Itunaren 23. artikuluaren Bi apartatuan xedatutakoaren arabera.

2. motako erregistroa: "Estatuan, Euskal Autonomia Erkidegoko foru aldundietan eta Nafarroako Foru Komunitatean sartutako atxikipenen eta konturako sarreren banakapenaren eranskina". 

"Gakoa" eremuan adierazitako errenta motak (100-101 posizioak 2. motako erregistroan –jasotzailearen erregistron) balio hauetakoren bat duenean:
•    1.  Entitateen funts propioetan parte hartzeagatik lortutako dibidendu eta bestelako errentak.
•    2.  Kapital propioak hirugarrenei lagatzeagatik lortutako interesak eta bestelako errentak.

Bi kasuetan, bakar-bakarrik baldin eta "ordainketa" eremuak (148 posizioa 2. motako erregistroan, jasotzailearen erregistroan) 1 balioa hartzen badu.

•    3-11. Kanonak
•    12. Kapital higigarriaren etekinak, kapitalizazio eragiketengatik eta bizitza edo baliaezintasun aseguruen kontratuengatik lortutakoak
•    13. Kapital higigarriaren beste etekin batzuk, aurretik aipatu ez direnak
•    22. Administratzaileen eta Administrazio Kontseiluko kideen ordainsariak.

Euskal Autonomia Erkidegoarekiko Ekonomia Itunaren 22. artikuluaren Lau apartatuan eta 23. artikuluaren Bi apartatuan edo Nafarroako Foru Komunitatearekiko Hitzarmen Ekonomikoaren 30. artikuluaren 2. apartatuaren bigarren paragrafoan aipatzen diren errentekin bat etortzeagatik; "Estatuan, foru aldundietan eta Nafarroako Foru Komunitatean sartutako atxikipenak eta konturako sarrerak banakatzeko eranskina" ("F" orri mota) beteko da baldin eta atxikipenen edo konturako sarreren ingresoa Estatuaren eta foru ogasunen artean banatzen bada eragiketa bolumenaren proportzioan.
 

345 eredua - Gizarte aurreikuspeneko sistemak (urriaren 23ko 479/2023 Foru Aginduaren bidez onetsi eta 2023ko urriaren 26ko GAOn argitaratua)

Profesionala enpresaburu indibidualarekin parekatzen da, gizarte aurreikuspeneko sistemei egiten zaizkien ekarpenen ondorioetarako.

Hiru eremu berri sortzen dira 2. motako erregistroan (aitortuen erregistroan):

•    “Gehienez 60.000 euroko lan etekin osoak“
•    “Gizarte aurreikuspeneko sistemaren sustatzaile edo hartzaile den enplegatzailearen identifikazio datuak“
•    “Ekarpenek muga finantzarioak gainditzeagatik egindako itzulketak“.

720 eredua – Atzerrian kokatutako ondasunak eta eskubideak

168/2022 Foru Aginduaren 2. artikulua egokitzen da Zerga betebehar formal jakin batzuk garatzen dituen Erregelamenduaren 54. artikuluko 4. apartatuaren idazkera berriarekin bat etor dadin. Horrek berekin dakar erreskate baliorik gabeko bizitza aseguruei buruzko informazioa sartzea, aseguru entitatea atzerrian dagoenean.

720 ereduaren diseinu logikoetan aldaketa hauek egiten dira:

"1. balorazioa: saldoa edo balioa abenduaren 31n; saldoa edo balioa iraungitze datan; eskurapen balioa" eremuan, honako hau zehazten da:

•    Bizitza edo baliaezintasun aseguruak: erreskate balioaren berri emango da. Alabaina, abenduaren 31n hartzaileak ezin badu erreskate eskubidea baliatu, hornidura matematikoak data horretan duen balioari buruz informatuko da.
•    Erreskate baliorik gabeko bizitza  edo baliaezintasun aseguruetatik eratorritako biziarteko edo aldi baterako errentak: hemen ere hornidura matematikoak abenduaren 31n duen balioaren berri emango da.

Atzerrian kokatutako diru birtualari buruzko eredu informatibo berria (721 eredua) onetsi dela eta, diru birtualaren aitorpenaren inguruko xedapenak ezabatzen dira bai foru agindutik eta bai 720 eredutik beretik.
 

Eredu berriak:

172, 173 eta 721 ereduak. Diru birtualari buruzko informazio betebehar berriak.

172 eredua – Diru birtualeko SALDOEI buruzko urteko aitorpen informatiboa (ZBFEko 48 bis art.)

Eremu subjektiboa:

Espainian egoitza duten pertsonak eta entitateak eta, era berean, atzerrian egoiliartutako pertsonek edo entitateek Espainian dituzten establezimendu iraunkorrak, baldin eta gako kriptografiko pribatuak hirugarrenen izenean gordetzeko zerbitzuak ematen badituzte, diru birtuala mantendu, biltegiratu eta transferitzeko, zerbitzu horiek izaera nagusiarekin eman edo beste jarduera batekin lotuta eman.

Eremu objektiboa.

Urteko uneren batean diru birtualaren eta abenduaren 31ko saldoen jabe den pertsonaren identifikazioa.

Aurkeztu beharreko aitorpena:

Zaintzapean dituen diru birtual GUZTIEI buruzko aitorpen informatiboa.

SALDOEI buruzko informazioa: diru birtual bakoitzerako, diru mota bakoitzerako eta abenduaren 31ko unitate kopuru bakoitzerako, horien balorazioa eurotan. Baita diru fiduziarioaren abenduaren 31ko saldoak ere.

Aurkezteko epea:

173 eredua urtero aurkeztu beharko da, aitortzen den informazioari dagokion urtea amaitu eta hurrengo urteko urtarrilean.

Aurkezpen modua:

Mezu informatiko bidez. XML formatua (informazioaren edukiaren I. eranskina)

173 eredua – Diru birtualekin egindako ERAGIKETEI buruzko urteko aitorpen informatiboa (ZBFEko 48 ter art.)

Eremu subjektiboa:

Espainian egoitza duten pertsonak eta entitateak eta, era berean, atzerrian egoiliartutako pertsonek edo entitateek Espainian dituzten establezimendu iraunkorrak, baldin eta truke zerbitzuak ematen badituzte diru birtualaren eta diru fiduziarioaren artean edo diru birtual desberdinen artean, bitartekari gisa jarduten badute edozein eratan eragiketa horietan, edo gako kriptografiko pribatuak hirugarrenen izenean babesteko zerbitzuak egiten badituzte, diru birtuala mantendu, biltegiratu eta transferitzeko.

ERAGIKETEI buruzko aitorpen informatiboa:

•    Eskurapena
•    Eskualdaketa
•    Trukea
•    Diru birtualen transferentzia
•    Diru birtualean egindako kobrantzak eta ordainketak

Eremu objektiboa.

•    Eragiketa egiten duen pertsonaren identifikazioa
•    ERAGIKETAri buruzko informazioa (eragiketa mota, data, diru birtualeko mota, unitate kopurua, etab.)
•    Kontraprestazio fiduziarioa edo birtuala

Epea:

173 eredua urtero aurkeztu beharko da, aitortzen den informazioari dagokion urtea amaitu eta hurrengo urteko urtarrilean.

Aurkezpen modua:

Mezu informatiko bidez. XML formatua (informazioaren edukiaren II. eranskina).

721 eredua – Atzerrian kokatutako diru birtualari buruzko urteko aitorpen informatiboa (ZBFEko 54 bis art.)

Eremu subjektiboa:

Abenduaren 31n, atzerrian kokatutako diru birtualaren titular direnak, haren onuradun edo baimendu gisa ageri direnak, atzerrian dagoen diru birtual horren gainean edozein eratan xedatzeko ahalmena dutenak, edo diru birtualaren titular erreal direnak.

Betebehar hori izango dute, halaber, diru birtual horien titular, baimendu edo onuradun izan direnek, haien gaineko xedatze ahalmena izan dutenek, edo aitorpenaren urteko edozein unetan titular errealak izan direnek, baldin eta urte horretako abenduaren 31n izaera hori galdu badute.

Aurkeztu beharreko aitorpena:

Abenduaren 31n atzerrian kokatutako diru birtual guztien urteko aitorpen informatiboa, diru birtual horiek gako kriptografiko pribatuak hirugarrenen izenean babesteko zerbitzuak ematen dituzten pertsona edo entitateen ZAINTZAPEAN daudenean, diru birtual horiek mantendu, biltegiratu eta transferitzeko.

Eremu objektiboa.

•    Zaintza zerbitzua egiten duen pertsona edo entitatearen identifikazioa
•    Diru birtualaren identifikazioa
•    Diru birtual bakoitzaren saldoak abenduaren 31n, unitatetan eta eurotan

Baztertuak:

•    Sozietateen gaineko Zergari buruzko urtarrilaren 17ko 2/2014 Foru Arauaren 12. artikuluko entitateak.
•    Titular gisa pertsona juridikoak dituztenak, beren kontabilitatean banaka erregistratuta badaude.
•    Titular gisa pertsona fisiko egoiliarrak dituztenak, egiten duten jarduera ekonomikoaren kontabilitatea Merkataritza Kodearen araberakoa bada eta dokumentazio horretan erregistratuta badaude.
•    Abenduaren 31n eurotan baloratutako saldoek batera 50.000 euro GAINDITZEN EZ dituztenean.

Epea:

721 eredua urtero aurkeztuko da, eman beharreko informazioari dagokion urtea amaitu ondorengo urteko apirilaren 1etik ekainaren 30era bitartean.

Aurkezpen modua:

721 eredua internet bidez aurkeztuko da, ZERGABIDEA plataformatik, laguntza programa erabilita.