Frankizia araubidea Erkidegoko beste Estatu Kide batzuetan

SS SME (Special Scheme for Small Enterprises)

Frankizia araubidea EBko estatu kide askotan dago maila nazionalean, eta ez dago araututa Zerga Aplikatzeko Lurralde honetan egindako eragiketetarako.

2025etik aurrera, BEZa sortzen den eta frankizia erregimen horren aplikazioa arautzen den Estatuan bestelako estatu kideetako enpresa txikiek ere hautatu ahal izango dute, baldin eta horretarako baldintza materialak eta formalak betetzen badituzte. Hau da, frankizia araubidea araututa duten Estatuetan hor egiten diren eragiketengatik aplikatu ahal izango dute, bai Estatu horietan finkatuta dauden enpresaburuek edo profesionalek, bai beste Estatu kide batzuetan finkatutakoek.

Enpresaburu edo profesional batek beste estatu kide batean frankizia-araubideari heldu ahal izateko, honako hauek aurkeztu beharko ditu bere ezarpen-lekuko estatu kidean:

  • Errolda-eredua: Europar Batasunean urtean 100.000 eurotik beherako eragiketa-bolumena duten enpresaburuei edo profesionalei beste estatu kide batzuetako frankizia-araubideari atxikitzeko asmoa jakinarazteko aukera emango die. Eragiketa-bolumentzat hartuko da subjektu pasibo batek Erkidegoaren lurraldean urte natural batean egindako ondasun-emateen eta zerbitzu-prestazioen urteko zenbateko osoa, BEZik gabe.
  • Informazio-aitorpena: hiru hilean behin, zerga aplikatzen den lurraldean nahiz beste estatu kide batzuetan egindako ondasun-emateen eta/edo zerbitzu-prestazioen zenbateko osoari buruzkoa.
    • Era berean, enpresaburuak edo profesionalak informazio-aitorpena aurkeztu beharko du Europar Batasunean 100.000 eurotik gorakoa denean ondasun-emate eta/edo zerbitzu-prestazio horiengatik.

Araudia