714 Ondasun eta eskubide salbuetsiak

Zergatik salbuetsita daude honako ondasun eta eskubideak:

Zergadunaren ohiko etxebizitza, 300.000 euroraino.
Pentsio planetan, borondatezko gizarte aurreikuspenerako erakundeetan eta aurreikuspen plan aseguratuetan finkatutako eskubideak.
Pertsona fisikoek beren jarduera enpresarial edo profesionala aurrera eramateko beharrezkoak dituzten ondasun eta eskubideak, baldin eta zergaduna jarduera horretan pertsonalki eta zuzenean aritzen bada eta hura badu errenta iturri nagusia.
Era berean, ez dira aitortu behar entitateetan dauden partaidetzak, ondare izaerarik gabekoak, baldin eta gutxienez %5eko partaidetza osatzen badute (edo %20, familiartekoekin batera) eta benetan entitateko zuzendaritza lanak egiten badira.
Etxeko hornidura, ondoko hauek izan ezik: bitxiak, luxuzko larruak, ibilgailuak, urontziak, aireontziak, artelanak eta antzinatekoak.
Jabetza intelektualetik etorritako eskubideak, egilearen ondarean jarraitzen duten bitartean.
Jabetza industrialetik etorritako eskubideak, jarduera enpresarialei lotuta ez dauden bitartean.
Euskal Kultur Ondarea osatzen duten ondasunak, behar bezala inskribatuak badaude.
Autonomia Erkidegoen Ondare Historikoa osatzen duten ondasunak, erregistratuak eta kalifikatuak daudenean; baita Espainiako Ondare Historikoa osatzen dutenak ere.
Museoei edo kultur erakundeei gordailuan utzitako artelan eta antzinatekoak, gordailatuta dauden bitartean. Baldintzak:
- Irabazteko asmorik ez izatea.
- Lagapenaldia gutxienez hiru urtekoa izatea.
Artistaren artelana bera, egilearen ondarean jarraitzen duen bitartean.