Zein dira JEZaren inprimakiak? Non eskura daitezke? Non aurkez daitezke? Erantsi beharreko dokumentazioa. Beste pertsona batek aurkez al dezake nire izenean?

JEZeko ondoko inprimakiak daude:

• 840 eredua. Jardueren aitorpena
• 841 eredua: jarduerari zeharka lotutako lokalaren aitorpena
• 842 eredua: eragiketa bolumenaren jakinarazpena

Inprimakiak ondoko lekuetan eskura daitezke:

• Gipuzkoako estanko baimenduak (842 eredua izan ezik).
• Interneten: PDF artxibo hau, inprimatuta, nahikoa da aitorpena aurkezteko.
  • 840 eredua (PDF)
  • 841 eredua (PDF)
  • 842 eredua(PDF)

Aitorpen motaren arabera inprimakiak honako kasuetan aurkeztu ahal izango dituzu:

• Alta aitorpenak:
  • Ogasun eta Finantza Departamentuaren edozein bulegotan.
• Baja edo aldaketa aitorpenak:
  • Ogasun eta Finantza Departamentuaren edozein bulegotan edo dagokion Udaletxean.

Inprimakiekin batera aurkeztu beharreko dokumentazioa honakoa da:

• Nortasun Agiria (Partikularrak).
• Identifikazio Fiskaleko Zenbakiaren txartela (Pertsona juridikoak, ondasun komunitateak eta Zergen Foru Arau Orokorraren 35. artikuluan (PDF)aipatzen diren gainerako entitateak).
• Aldaketa aitorpenak pertsona juridikoen izaera aldatzeko aurkezten direnean: Identifikazio fiskaleko zenbaki berriaren fotokopia.
• Errepide bidezko garraio jardueretan: ibilgailuaren fitxa teknikoaren fotokopia.

Jardueraren titularraz gain, aitorpenak aurkez ditzaketen pertsonak honakoak dira:

• Titularraren ordezkaria, Ordezkarien erroldan alta har dezakeena, titularraren kontura jarduten den bakoitzean ordezkaritza justifikatu behar ez izateko.
• Aurkezleak. Horrelakoetan, jardueraren titularraren mandatari gisa jardungo du.