2013ko zuzenketa monetarioa

Sozietateen gaineko Zergak badu gainbalioak zuzentzeko sistema erraz bat, ibilgetu material edo inmaterialeko ondare elementuen eskualdaketan lortutako errentetan inflazio efektua ezabatzeko.

Gainbalio hauek oinarri ezargarrian sartzeko, eskualdatutako elementua eskuratu zenetik izan den depreziazio monetarioaren zenbatekoa kenduko da errenta positibo horien mugaraino, edo erosi zen egunetik aurrera izandakoa, betiere arau hauen arabera kalkulaturik:

a) 2013 urtean hasitako zergaldietan, eskualdatutako ondarezko elementuen erosketa prezioa edo produkzio kostua eta amortizazio metatuak honako koefiziente hauekin biderkatuko dira:

1984ko urtarrilaren 1a baino lehen

2,411
1984. urtean

2,190
1985. urtean

2,022
1986. urtean

1,903
1987. urtean

1,813
1988. urtean

1,732
1989. urtean

1,649
1990. urtean

1,585
1991. urtean

1,532
1992. urtean

1,486
1993. urtean

1,473
1994. urtean

1,444
1995. urtean

1,378
1996. urtean

1,329
1997. urtean

1,307
1998. urtean

1,360
1999. urtean

1,311
2000. urtean

1,224
2001. urtean

1,206
2002. urtean

1,185
2003. urtean

1,168
2004. urtean

1,154
2005. urtean

1,133
2006. urtean

1,112
2007. urtean

1,087
2008. urtean

1,053
2009 urtean

1,036
2010 urtean

1,035
2011 urtean

1,018
2012 urtean

1,008
2013urtean

1,000

Koefizienteak honela aplikatuko dira:

Eskurapen prezioaren edo produkzio-kostuaren gainean, ondare elementua zein urtetan eskuratu edo produzitu den kontuan hartuta. Hobekuntzei aplikatu behar zaien koefizientea horiek egin diren urteari dagokiona izango da.

Kontabilizatutako amortizazioen gainean, egin diren urtea kontuan hartuta.

b) Aurreko letran ezarritakoa aplikatuz ateratako zenbatekoen arteko diferentziari eskualdatutako ondarezko elementuaren kontabilitate balio garbia gutxituko zaio.

c) Eragiketa horretatik ateratzen den kopurua, arauz onartzen den besteren aldeko zorpetze koefizientearekin biderkatu behar da, baldin eta ondasun higiezinen izaera duten ibilgetu materialaren ondare elementuak eskualdatzen badira.