Turismo zuzendaritza nagusiaren helburua turismo eredu jasangarri eta orekatua sortzea da, lurralde osoan enplegua eta aberastasuna sortzeko, masifikazioa saihesteko eta gure kultura, hizkuntza eta balioak aintzatesteko.
Gipuzkoa Euskadiko turismo-erreferente bihurtzea, politiken, ekintzen eta lidergo partekatuaren bidez, aurkezten zaizkigun erronkei aurre egiteko eta turismo-eredu erresiliente, moderno eta lehiakor bat sortzeko.

Estrategia

2023-2027 estrategia bost zutabe nagusitan oinarritzen da:

  • BERRIKUNTZA ETA DIGITALIZAZIOA: Turismo-sektorearen berrikuntzaren eta digitalizazioaren eta lurralde gisa sustatzearen aldeko apustu egitea. Tresna digital berriak bilatzea eta berrikuntzan eta kasu arrakastatsuetan liderrak diren helmugekin harremana izatea.
  • JASANGARRITASUN TURISTIKOA: Jasangarritasunaren gidalerroaren pean lan egitea Zuzendaritzak abiarazi eta babestutako proiektu guztietan, eta erreferente izaten lagunduko diguten politikak garatzea.
  • ELKARLANEKO GOBERNANTZA: Tokiko harremanak indartzea elkarte, enpresa eta eskualdeekin, eta harreman berriak sortzea estatuan eta nazioartean eragin handiagoa duten erakundeekin.
  • DINAMIZAZIOA ETA SUSTAPENA: Gipuzkoa marka tokiko eta estatuko mailan finkatzea, bisitari eta txangozaleen esperientzia turistikoa hobetzea eta merkatu eta publiko berriak bilatzea.
  • INDUSTRIA TURISTIKOA: Sektorearen hobekuntza eta profesionalizazioa bultzatzea, merkatuaren erronka eta eskaera berriei aurre egiteko; lankidetza publiko-pribatua eta erakundearen eta enpresaren arteko harremana indartzea.

Jarduera-ildoak

Gauzatzen diren ekintzei dagokienez, zuzendaritzaren jarduera-ildo nagusiak honako hauek dira:

  1. Gipuzkoa dinamizatzea, planifikatzea eta sustatzea turismo jasangarrirako helmuga gisa, urte osoan lurralde-oreka handiagoa lortzeko.
  2. Lan-ildo berriak garatzea, turismo-intereseko eta kanpo-proiekzioko ekitaldiak bultzatzeko.
  3. MICE turismoa (bilerak, pizgarria, kongresua eta erakusketak) biziberritzea Gipuzkoan.
  4. Turismo adimenduna sustatzea: jasangarritasuna eta ezagutza, Turismo Adimenduneko Sistema -SIT- abian jartzea Gipuzkoan.
  5. Sektore pribatuarekiko eta sustatzaile berriekiko lankidetza eta laguntza. HUB turismoa bultzatzea eta posizionatzea.