Azahara Domínguez Mugikortasuneko, Turismoko eta Lurralde Antolaketako diputatuak Nazaret ikaskuntza zentroa bisitatu du, eta ikasle eta arduradunekin bildu da

Azahara Dominguez, Mugikortasuneko, Turismoko eta Lurralde Antolaketako diputatua: "Gipuzkoak une historikoa bizi du turismoari dagokionez, lurraldearen BPGaren % 7,1 baita gaur egun. Turismo-jarduerak aberastasuna sortzen jarraitzea eta gero eta familia gehiagok jarduera horri etekina ateratzea nahi badugu, ondo prestatutako pertsonak behar ditugu, zeintzuk turismoan beren karrera profesionalak garatzeko aukera aurkitu dezaten. Gainera, adi egon behar dugu lan-baldintzak duinak izan daitezen eta sortutako enplegua kalitatezkoa izan dadin, langileen lana eta garapen pertsonala ahalbidetzeko".

Oihana Hernández, Nazareteko zuzendari exekutiboa: "Ikasleen % 86,5ek enplegagarritasun arrakastatsua lortzen du emandako prestakuntzaren kalitateari esker".

Azahara Domínguez Mugikortasuneko, Turismoko eta Lurralde Antolaketako diputatuak Gipuzkoako hainbat prestakuntza-zentrotara visita sorta hasi du Donostiako Nazareten. Bertan, Zuzendaritzako Laguntza graduko irakasle eta ikasleekin biltzeko aukera izan du. Bi dira gradu horrek dituen moduluak: Ekitaldien Antolakuntza eta Enpresa Protokoloa.

Bileran, Azahara Domínguezek Nazaretek ikasleei eskaintzen dizkien ikaskuntza ibilbideen eta irteera profesionalen berri izan du, baita Gipuzkoako turismoaren egoerari eta etorkizunari buruz irakasleek duten ikuspegiaren berri ere. 

Diputatuak eskerrak eman dizkie zentroko arduradunei etorkizuneko profesionalen prestakuntzan egiten duten lanagatik, eta ikasleak animatu ditu beren karrera profesionalak lurraldean garatzera. 

"Gipuzkoak une historiko bat bizi du turismoari dagokionez, lurraldearen BPGaren % 7,1 baita gaur egun. Turismo-jarduerak aberastasuna sortzen jarraitzea eta gero eta familia gehiagok jarduera horri etekina ateratzea nahi badugu, ondo prestatutako pertsonak behar ditugu, zeintzuk turismoan beren karrera profesionalak garatzeko aukera aurkitu dezaten. Gainera, adi egon behar dugu lan-baldintzak duinak izan daitezen eta sortutako enplegua kalitatezkoa izan dadin, langileen lana eta garapen pertsonala ahalbidetzeko", adierazi du Azahara Domínguezek, eta honako hau azpimarratu du: "Hori izan behar da elkarrekin egin behar dugun bidea: erreferentziazko helmuga izan behar dugu eremu guztietan, ez turismo-helmuga jasangarri gisa soilik, baita kalitatezko enplegu duina sortzeari begira, sektore turistikoan beren karrera profesionalak garatzeko, aukera bat ikusten duten langile prestatu, kualifikatu eta aitortuekin. Izan ere, horrela bakarrik jarraitu ahal izango dugu gure lurraldean goraka doan industria berme guztiekin garatzen". 

Bestalde, Oihana Hernández Nazareteko zuzendari exekutiboak nabarmendu duenez, "ikasleen % 86,5ek enplegagarritasun arrakastatsua lortzen dute emandako prestakuntzaren kalitateari esker". Ainhoa Domínguez ikastetxeko Berrikuntza zuzendariak azpimarratu duenez, "zeharkako konpetentziak garatzea funtsezkoa da gure ikasleen etorkizunerako, moldagarritasuna eta arrakasta ziurtatuz hainbat lan-ingurunetan". Azkenik, Maria Jose Lecuona Zuzendaritzako Laguntzako 2. mailako tutoreak azaldu duenez, "zikloko International Business ibilbidean, Zuzendaritzako Laguntzako ikasleek MICE sektorea bertatik bertara ezagutzeko aukera dute, eta horrek prestakuntza praktikoa eta etorkizuneko enplegagarritasuna sustatzen ditu".