Diputatuen kontseiluak 2021eko uztailaren 27ko bileran onartutako gaiak

GOBERNANTZA DEPARTAMENTUA

• Onartzea Giza Baliabideak Arrazionalizatzeko Programa, nekazaritzako laguntzaile tekniko lanpostuak C1 sailkapen taldean birsailkatzekoa, eta nekazaritzako teknikari laguntzaile plazak barne sustapenaren bidez eskuratzeko oinarriak.
• Aldatzea Gipuzkoako Foru Aldundiko funtzionarioen lanpostu zerrenda.

EKONOMIA SUSTAPENEKO, TURISMOKO ETA LANDA INGURUNEKO DEPARTAMENTUA

• Dirulaguntza hauen oinarri arautzaileak eta 2021eko deialdia onartzea: Gipuzkoako ehun sozioekonomikoa eskualdeko ikuspegiaren ekarpenaren bidez suspertzeko programakoak.
• Dirulaguntza ematea zuzenean Zarautzko Udalari Iñurritza errekaren gaineko pasabidea ordezteko proiektuko obren zuzendaritza eta exekuzioa finantzatzeko.
• Dirulaguntza hauen oinarri arautzaileak eta 2021eko deialdia onartzea: "Adinberri. Zahartze aktibo eta osasungarriaren erronkak" programakoak.
• Dirulaguntza hauen oinarri araultzaileak eta 2021eko deialdia onartzea: Gipuzkoako nekazaritza eta abeltzaintza sektoreari zuzendutakoak COVID-19ak sortutako krisiari aurre egiteko.
• Gastu gehigarria baimentzea: COVID-19k sortutako krisiaren ondorioz Gipuzkoako turismo-sektoreari sostengua emateko programaren 2021eko deialdian.

MUGIKORTASUNEKO ETA LURRALDE ANTOLAKETAKO DEPARTAMENTUA

• Beka hauen oinarri arautzaileak eta 2021eko deialdia onartzea: lurzoruaren eta ondarearen kudeaketari, lurralde antolamenduari eta eraikuntza arkitektonikoari buruzko ikerketa eta dibulgazio proiektuetarako.
• Dirulaguntza hauen oinarri arautzaileak eta 2021eko deialdia onartzea: zuzenbide publikoko korporazioei eta irabazi asmorik gabeko erakunde pribatuei zuzendutakoak, "Mugak" Euskadiko Nazioarteko Arkitektura Bienalaren hirugarren edizioan parte hartzeko.

OGASUN ETA FINANTZA DEPARTAMENTUA

• 4/2021 Foru Dekretu-Araua, uztailaren 27koa, TicketBAI betebeharraren borondatezko ezarpena sustatzeko presazko zerga neurriei buruzkoa.
• Berri ematea: Aldundiko departamentuek eta foru sektore publikoko entitateek aurkeztutako aurrekontu proposamenak 2022ko ekitaldiko emaitzetara bideratutako aurrekontua prestatzeko.
• Ordainketa kredituaren transferentzia egitea eta konpromiso kredituaren sorrera Diputatu Nagusiaren Alorrean.
• Ordainketa kredituen transferentziak eta konpromiso kredituen transferentziak egitea Ekonomia Sustapeneko, Turismoko eta Landa Inguruneko Departamentuan.
• Ordainketa kredituaren transferentzia egitea eta konpromiso kreditua sortzea Ekonomia Sustapeneko, Turismoko eta Landa Inguruneko Departamentuan.
• Konpromiso kredituaren transferentzia egitea Bide Azpiegituretako Departamentuan.
• Ondare erantzukizuneko espedientea. Ordaintzea epaia beteaz.
• Zerga zehapenak barkatzeko eskaera ebaztea.

BIDE AZPIEGITURETAKO DEPARTAMENTUA

• Aurkeztutako alegazioak ebatzi eta proiektu hau onartzea: AP-1 autopistan Zarimutzeko tuneleko hego ahoan dranaitzea hobetzeko eta jarduteko Proiektua.

GIZARTE POLITIKETAKO DEPARTAMENTUA

• Gizarte zerbitzuen zentroetan inbertsioak egiteko dirulaguntzen oinarri arautzaileak eta 1. eta 2. lerroetarako 2021eko deialdia onartzea.