Diputatuen kontseiluak 2022ko otsailaren 15eko bileran onartutako gaiak

GOBERNANTZA DEPARTAMENTUA

• Gipuzkoako Foru Aldundiaren 2022. urterako kontratazio publikoaren Plana onestea.
• Gipuzkoako Foru Aldundiko funtzionarioei eta lan kontratupeko langileei gordetako lanpostuen zerrenda eguneratua onestea.

INGURUMENEKO ETA OBRA HIDRAULIKOETAKO DEPARTAMENTUA

• Dirulaguntza hauen oinarri arautzaileak eta 2022ko deialdia onestea: udalei, mankomunitateei eta merkataritza udal eta eskualde sozietateei zuzendutakoak, energia berriztagarrien erabilera zein aurrezpen eta eraginkortasun energetikoa toki mailan bultzatzeko.

EKONOMIA SUSTAPENEKO, TURISMOKO ETA LANDA INGURUNEKO DEPARTAMENTUA

• Dirulaguntza hauen oinarri arautzaileak eta 2022ko deialdia onestea: udalei zuzendutakoak, Gipuzkoako Lurralde Historikoko landa-lurzoruaren lursailak mugatzeko.
• Apirilaren 5eko 6/2016 Foru Dekretuan aurreikusitako nekazaritza ingurumenaren eta klimaren arloko laguntzen eta nekazaritza ekologikorako laguntzen 2022ko deialdia onestea.
• Apirilaren 5eko 6/2016 Foru Dekretuan aurreikusitako mendialdeetarako eta muga natural nabarmenak dituzten zonaldeetarako laguntzen 2022ko deialdia onestea.

MUGIKORTASUNEKO ETA LURRALDE ANTOLAKETAKO DEPARTAMENTUA

• 3/2022 Foru Dekretua, otsailaren 15ekoa, bizikleta eta oinezkoen bide-zati egin berriak Gipuzkoako Foru Bizikleta Bideen Sarearen Katalogoan sartzekoa.
• Urretxu udalerrian dagoen landa-lursail bat Ondasun eta Eskubideen Inbentario Orokorrean sartzea, eta Nekazaritza Lurren Funtsari gehitzea.

OGASUN ETA FINANTZA DEPARTAMENTUA

• Itundutako zergen udal partaidetzaren 2021eko behin betiko likidazioa onestea.

GIZARTE POLITIKETAKO DEPARTAMENTUA

• Gastua baimendu eta xedatzea: babesgabezia egoeran dauden adingabeentzako egoitza zerbitzua kudeatze aldera Euskadiko Birgizarteratze Institutua elkartearekin sinatutako lankidetza-hitzarmenak 2022an eragingo dituen betebehar ekonomikoak betetzeko.
• Gastua baimendu eta xedatzea: desgaitasuna edota nahasmendu larria duten pertsonei hainbat zerbitzu eta programa eskaintze aldera sinatutako kontratu-programek eta lankidetza hitzarmenek 2022an eragingo dituzten betebehar ekonomikoak betetzeko.