Diputatuen kontseiluak 2023ko urtarrilaren 10eko bileran onartutako gaiak

GOBERNANTZA DEPARTAMENTUA

• Onestea Gipuzkoako Foru Aldundian eta foru-sektore publikoa osatzen duten gainerako erakundeetan datuak eta adimen artifiziala erabiltzeko Kode Etikoa.
• Kontratazio espediente hau onestea: Gipuzkoako Foru Aldundiko posta azkarraren zerbitzua.
• Epaiketa arrunteko demanda zibila aurkeztea atzera eskuratzeko egintza egikaritzeko, landa lur bati dagokionez.

INGURUMENEKO ETA OBRA HIDRAULIKOETAKO DEPARTAMENTUA

• Dirulaguntza hauen oinarri arautzaileak eta 2023ko deialdia onestea: udalei zuzendutakoak, 2030erako garapen jasangarriko helburuak lortzen lagunduko duten jarduerak gauzatzeko.

MUGIKORTASUNEKO ETA LURRALDE ANTOLAKETAKO DEPARTAMENTUA

• Herri jabaritik desatxikitzea eta besterengarritzat jotzea N-121-A errepidea Laskuain biribilgunetik Endarlatsaraino zabaltzeko eta hobetzeko eraikuntza proiektuaren 78 finkatik soberan geratutako lursailak.

BIDE AZPIEGITURETAKO DEPARTAMENTUA

• Proiektu hau onestea: GI-2639 Errepidean Elgeta eta Kanpanzar artean bihurguneak hobetzeko eta zabaltzekoa.
• Lan hauek kontratatzea, larrialdiko izapidetza erabiliz: Urumea ibaiaren ibilguaren gainean eta Loiolako bidezubietako 3. pilarearen gainean dauden zur erdiko berme-eremuen egoerari dagozkion ikuskapen osagarriko eta instrumentazioko lanak.

KULTURA, LANKIDETZA, GAZTERIA ETA KIROL DEPARTAMENTUA

• Kontratazio espediente hau onestea: Koldo Mitxelena Kulturuneko liburutegiaren bildumarekin zerikusia duten mantentze eta zabaltze lanak eta erabiltzaileei arreta emateko zerbitzua.
• Proiektu hau eta dagokion kontratazio espedientea onestea: Koldo Mitxelena Kulturunea eraikinaren eraberritze partziala egiteko lanak.
• Baliozkotzea Kultura, Lankidetza, Gazteria eta Kirol Departamentuko foru diputatuaren FA-KG-2022-0381 Foru Agindua, zeinaren bidez dirulaguntza bat ematen zaion Gipuzkoako Txirrindularitza Federazioari, eskuordetzan eman zaizkion egiteko publikoak garatzeko.