Lurraldebusek 5 milioi euro baino gehiago inbertitu ditu berrikuntzaren eta gipuzkoako enpleguaren aldeko apustuan, 2023an flotaren berritze handi bati ekiteko

Rafaela Romero: «2023 berretsi da pandemia amaitu zenetik Lurraldebusen flota berritzeko inbertsiorik handiena izan duen urtea izango dela, eta gainera, Gipuzkoako enpresa baten eskutik egingo du, Irizar, alegia. Zerbitzuaren kalitatearekin dugun konpromisoa erabatekoa da, eta gaur erakutsi nahi dugu, horretarako, Irizarren berrikuntza eta teknologia dugula, autobus berriei aplikatua, zeinak bost milioi eurotik gorako zenbatekoarekin eskuratu baititugu. Lurraldebusek 44 autobus erosita ekingo dio urteari, flota osoaren % 17aren berritzeari; une honetan, 16 eskatu ditugu. 2023an egingo dugun berrikuntza hori legegintzaldi honetan erositako 68 autobusei gehitu behar zaie, eta horrek esan nahi du 4 urteren buruan Lurraldebusen flota osoaren erdia baino gehiagoren berrikuntza amaitu dela, garraio publiko seguru, ekologiko eta kalitate handiagokoa lortzeko dugun konpromisoaren barruan".

Rafaela Romero Mugikortasuneko eta Lurralde Antolaketako diputatuak Ormaiztegiko Irizar lantegia bisitatu du gaur goizean, eta bertatik bertara ezagutu ditu Lurraldebusek bere flotarako erosi duen Irizar i6s Efficient modeloaren ezaugarriak eta fabrikazio-prozesua. Bisitan, diputatuarekin batera izan dira Ander Iturri mugikortasun zuzendaria eta Miguel Ángel Pérez Espainiako eta Portugalgo Irizar-eko merkataritza zuzendaria.

16 autobus berri erosteak 5 milioi eurotik gorako inbertsioa dakar, eta, pandemiaren amaieratik aurrera, flota berritze garrantzitsuena da, 2023an 2020an egindako inbertsioaren mailara. Rafaela Romeroren hitzetan, herritarrei flota modernoa, segurua eta, gainera, ingurumena errespetatzen duena eskaintzeko konpromisoari erantzuten dio erosketa honek. «2023a pandemiaren amaieratik flota berritzeko inbertsio handiena egingo dugu, Gipuzkoako talentuaren eskutik, gainera. Zerbitzuaren kalitatearekin dugun konpromisoa erabatekoa da, eta gaur erakutsi nahi dugu horretarako badugula lurraldeak eskaintzen duen berrikuntza eta teknologia. Departamentuaren helburua da Lurraldebusen autobus-flota pixkanaka berritzea, 2040an ibilgailu guztiak energia berdekoak izan daitezen».

Irizar i6s Efficient eredua Gipuzkoako konpainiaren azken belaunaldiko ibilgailurik eraginkorrena da, kontsumoak eta emisioak % 13 murriztu baititu. Ibilgailuaren koefiziente aerodinamikoa % 30 hobetu da, eta errendimendu bikain hori da autokarren belaunaldi berri honen gakoa. Berrikuntzak, halaber, material berriak erabiltzea ekarri du, hala nola erresistentzia handiko altzairuak eta material konposatuak, ahalik eta zarata eta bibrazio gutxienetara murriztu direnak, erabiltzaileei erosotasun hobea bermatzeko.

Modelo berriek teknologia berriak ere gehitzen dituzte, hala nola ikusmen digitaleko kameren bidezko atzerako ispiluak edo airea etengabe berrituko duten klimatizagailu sorta berri bat. «Garraio publikoaren erabiltzaileentzat pentsatutako inbertsio bat da, gozamenerako eta Lurraldebusen zerbitzuaz fidatzen jarraitzeko; eta Gipuzkoako talentuari, profesionalei eta lan berritzailearen emaitzei laguntzeko pentsatutako inbertsioa ere bada», esan du diputatuak.

Unitate berriak 3. motakoak dira; hau da, plaza guztiak eserita dituzte, eta Euro VI diesel motorrak dituzte, eraginkorragoak eta gutxiago kutsatzen dutenak. Hala, % 13ko murrizketa lortzen dute kontsumoetan eta emisioetan, ordezkatuko dituzten autobusen aldean. Rafaela Romerok azaldu duenez, unitate berri horiek ibilbide luzeko ibilbideak estaltzera bideratuko dira batez ere, hala nola Donostia Bilborekin eta aireportuarekin lotzen dutenak, edo Donostia Gasteizekin lotzen dutenak, baina lurraldearen barruko ibilbideetarako ere balioko dute, hala nola hiriburua Azpeitiarekin eta Azkoitiarekin lotzeko.

Lurraldebusek 44 autobus erosita ekingo dio urteari, flota osoaren % 17aren berritzeari; une honetan, 16 eskatu ditugu. 2023an egingo dugun berrikuntza hori legegintzaldi honetan erositako 68 autobusei gehitu behar zaie, eta horrek esan nahi du 4 urteren buruan Lurraldebusen flota osoaren ia erdiaren berrikuntza amaitu dela, garraio publiko seguru, ekologiko eta kalitate handiagokoa lortzeko dugun konpromisoaren barruan.