“Epe luzeko begiradarekin” akordio berriak lortzeko borondatez, batzarkide taldeekin kontaktu erronda bati ekingo dio foru gobernuak

Gipuzkoako foru gobernuak kontaktu erronda bati ekingo dio Batzar Nagusietako taldeekin, behin Europako Hauteskundeak pasata, “epe luzeko begiradarekin akordioak lortzeko erabateko boron-datez”. “Horretarako prest bazaudete, gure eskua luzaturik egongo da beti, apaltasunez, ahalegin hori egiteko. Ari naiz egungo aurrekontuez, datorren urteko aurrekontuez eta zerga erreformarako ponentziaz”, zehaztu du Eider Mendoza diputatu nagusiak, eta norabide horretan adostasunak bi-latzeko beren asmoaz galdegin die batzarkide taldeei.

 

Behin hauteskunde garaiek sortzen dituzten “tentsio, muga eta presioak” gaindituta, “begirada lu-zeko akordioak mamitu eta lantzeko” borondatea berretsi du diputatu nagusiak, EH Bilduri aurre-kontuei buruzko interpelazio bat erantzuteko garaian. Gogorarazi du, ildo horretan, dagoeneko az-ken hilabeteotan akordio garrantzitsuak erdietsi direla Batzar Nagusietan, zerga politikarekin eta pizgarriekin zerikusia dutenak, kasu.

 

Halaber, adostasun horiek lortzeko garaian, abiapuntutzat egungo egoera sozio-ekonomikoa har-tzera dei egin die batzarkide taldeei. Batetik, Gipuzkoako eta Euskadiko ekonomiak “indartsu” ja-rraitzen badute ere –lurraldeko enpresen salmenta eta enplegu datuak, horren lekuko–, nazioar-teko ziurgabetasunek hor jarraitzen dutelako. Bestetik, gogorarazi duenez, foru ogasunak mutua-listei dagozkien itzulketak egiteari ekin diolako aurten, aurrekontu proiektua osatzeko garaian au-rreikusita ez zeudenak. “Azken hilabeteetako epaien ondorioz, pentsiodun asko eta askotara za-baldu dira eta, dagokien moduan, itzulketa horiek egingo ditugu. Bigarren aldagai hau oso aldagai garrantzitsua da eta zuzeneko eragina izango du gure aurrekontuetan. Eta ez da eragin txikia izango”, aurreratu du diputatu nagusiak.

 

“Abiapuntu hori kontuan izanda, jakinda baliabide gutxiago izango ditugula, azpimarratu nahi dut foru gobernu honek erabateko borondatea duela elkarrekin hitz egin eta adostasun berrietara aile-gatzeko. Horregatik, nik galdera bat luzatu nahi nizueke: prest egongo al zarete baita ere BNetan oposizioa osatzen duzuen hiru alderdiak horretarako? Borondate hori badago, gure eskua luzaturik egongo da beti, hala egon da legealdi hasieratik, epe luzeko begiradarekin ahalegin hori egiteko”, laburbildu du.