Azken orduetan 17 positibo atzeman dira Gipuzkoako egoitzetan
Azken orduetan 17 positibo atzeman dira Gipuzkoako egoitzetan
43 dira gaixotasuna gainditu duten adineko pertsonak.
![](/documents/20933/12565553/COVID-19-WEB.png/a0d5f0fe-a2eb-a46f-5b73-0cc16c5a2755?t=1586442868000)
Azken orduetan, Aldundiak Donostiako Alai Etxe egoitzan egindako PCR proben aldizkako mapaketa batek 17 COVID-19 kasu positibo atzeman ditu, guztiak sintomarik gabekoak. Bestalde, guztira 43 pertsona sendatu dira, Errenteriako Jesusen Bihotza zentroko egoiliar batek alta epidemiologikoa jaso ostean.
Gipuzkoako egoitza-sarea 65 zentrok eta 5.425 plazak osatzen dute eta, egun, COVID-19an positibo eman duten egoiliarrak bost zentrotan daude: Hernaniko Santa Maria Magdalena (9), Errenteriako Jesusen Bihotza (4), Donostiako Alai-Etxe (27), Bergarako Mizpirualde (23) eta Donostiako La Paz (1). Beraz, 64 COVID-19 kasu positibo daude Gipuzkoako egoitzetako erabiltzaileen artean.
10 dira ospitale-arreta behar duten eta ospitaleratuta dauden pertsonak, eta beste 30 Eibarko Ospitaleko gizarte-solairuan artatuak ari dira izaten, Gipuzkoako egoitzetatik eratorritako COVID-19 kasuen arretarako erreferentzia-zentroan. Abuztuaren 11n lehen positiboa atzeman zenetik, 43 adinekok gainditu dute gaixotasuna eta 25 pertsona hil dira.
1329