Diputatuen kontseiluak 2021eko abenduaren 28ko bileran onartutako gaiak

DIPUTATU NAGUSIA

• Mintzola Fundazioa azkentzea eta likidatzea.

GOBERNANTZA DEPARTAMENTUA

• IZFE SAri baimena ematea: irtenbide/garapeneko 2 teknikari lanpostu betetzeko 2 pertsona kontratatzeko, mugagabeko kontratuen bidez.

EKONOMIA SUSTAPENEKO, TURISMOKO ETA LANDA INGURUNEKO DEPARTAMENTUA

• Akats zuzenketa “Ekintzailetzako Azpiegitura Berriak” proiektua garatzeko MONDRAGON UNIBERTSITATEARI emandako dirulaguntza zuzenaren erabakian.

MUGIKORTASUNEKO ETA LURRALDE ANTOLAKETAKO DEPARTAMENTUA

• KUTXABANK SA sozietateari Donostiako Andia kalean dagoen Ekitaldi-aretoa izeneko lokala erostea.

OGASUN ETA FINANTZA DEPARTAMENTUA

• 15/2021 Foru Dekretua, abenduaren 28koa, zeinaren bidez aldatzen baitira TicketBAI betebeharraren Erregelamendua onesten duen foru dekretua, zerga betebehar formal jakin batzuk garatzen dituen Erregelamendua, eta PFEZ eta Sozietateen gaineko Zergaren Erregelamenduak, eta 2022an aplikatu beharreko eguneratze koefizienteak onesten baitira.
• 16/2021 Foru Dekretua, abenduaren 28koa, abenduaren 17ko 47/2013 Foru Dekretuaren bidez onetsitako Zerga betebehar formal jakin batzuk garatzen dituen Erregelamendua aldatzen duena.
• Onestea Europar Batasunak kofinantzatutako proiektuetan iruzurraren aurkako neurrien plana eta iruzurraren aurkako adierazpen instituzionala.
• Udalak Finantzatzeko 2022ko Foru Funtsaren udalen arteko banaketa onestea.
• Bidegi SAren Plan Ekonomiko Finantzarioa eguneratzea, garapenerako 3. hitzarmen espezifiko honen aldaketara egokitzeko: foru sozietate publikoari mandatua egitekoa, N-I eta A-15 errepideek osatutako ahalmen handiko bide ardatzeko Gipuzkoako zenbait zatitan kobrantza sistemaren proiektua idatzi eta gauzatzeko, eta sistema abian jarri, erabili, mantendu eta ustiatzeko.

BIDE AZPIEGITURETAKO DEPARTAMENTUA

• Gipuzkoako Lurralde Historikoko A-636 autobian Beasain-Bergara arteko zati batzuk erabiltzeagatik ordainduko den kanona kobratzen hasteko data finkatzea eta bidesari bideratua kobratzeko ordainlekuak ezartzea.
• Behin betiko onestea Bidegi SArekin sinatutako garapenerako 3. hitzarmen espezifiko honen 2. aldaketa: mandatua egiteko foru sozietate publikoari N-I eta A-15 errepideek osatutako ahalmen handiko bide ardatzeko Gipuzkoako zenbait zatitan kobrantza sistemaren proiektua idatzi eta gauzatzeko, eta sistema abian jarri, erabili, mantendu eta ustiatzeko.
• Lan hauek kontratatzea, larrialdiko izapidetzea erabiliz: Bergaran N-636 errepideko 31,795 eta 31,850 KP-en arteko lur-erauzketako ezponda egonkortzea.