Jasangarritasuna, Donostia Moda Jaialdiaren ardatz nagusietako bat

Urriaren 21ean, Gipuzkoako Foru Aldundiko Ingurumen Departamentuak berriro bultzatuko du workshopez eta hitzaldiz osatutako jardunaldia Tabakaleran; espazio hori berriz berreskuratu da, urte eta erdiz online bidez bakarrik jardun ondoren. "Pandemia bilakaera positiboa izaten ari denez, espazioak berreskuratzeko moduan gaude, eta beharrezkoa da elkartzeko eta dinamizaziorako sektore mailako foro horiek berraktibatzea, errealitatea berreraiki ahal izateko. Horregatik, edizio honetan, nazio zein nazioarte mailako proiekzioa ematen digun online formatuaz gain, aurrez aurrekotasuna berreskuratuko dugu, Gipuzkoako sektorea josten jarraitzearen aldeko apustu batean”, nabarmendu zuen Gipuzkoako Foru Aldundiko Ingurumen diputatuak. Foru diputatuak gaineratu zuen “Moda Jasangarriari buruzko aurtengo jardunaldia GK Green Fashionen bost urteko ibilbideari buruzko hausnarketaren eta etorkizunera begirako garapen-estrategiak ezartzearen inguruan ardazten da, kontuan izanda moda jasangarriaren sektorearen nazio eta nazioarte mailako joerak”.

Mónica Lavandera, Mikel Feijoo (SKFK), Silvia Rodríguez Martín (Txostenarenegilekidea), Manuel Quirós (Txostenarenegilea), Victoria de Pereda (Txostenarenegilea); Jon, Mikel eta Maddi (Bask Brand); Valentina Palmero (Las Cosas de Valen), EduUribesalgo (Ternua) eta Patricia Echevarria (Balab Factory) izango dira hilaren 21ean, osteguna, izango dugun egitarau mardulean parte hartuko dutenetako batzuk.

Urriaren 20an, 21ean, 22an eta 23an, euskal agendetara itzuliko zaigu udazken-neguko Donostia Moda Jaialdia, aurreko edizioetan baino egitarau zabalagoarekin. Gipuzkoako kultura-hitzordu garrantzitsuen bideari jarraituz, euskal moda-industriaren ekitaldirik esanguratsuenak bere ohiko espazio enblematikoak berreskuratuko ditu, hala nola Balenciaga Museoa eta Tabakalera, San Telmo Museoarekin batera. Gainera, Jaialdi honen XVI. edizio honetan, edukieren %100 izatera itzuliko gara, eta malguagoak izango dira segurtasun-neurriak.

Zera adierazi zuen Laura Chamorro Jaialdiko zuzendariak: “zorioneko gaude. Mugek eta ekitaldia testuinguru digital batera egokitu beharrak markatutako hiru edizioren ondoren, aurrez aurrekotasunaren %100 berreskuratuko du edizio honek; gainera, berriro itzuliko dira egitaraura Balenciaga Museoko desfileak, eta hiriko fashion show batzuk ere egingo dira.Beraz, gure herrialdeak berriro elkartuko ditu jantzigintzaren euskal industriaren protagonistarik nabarmenenak, ‘0 kilometro' kontzeptuaren, jasangarritasunaren, sormenaren, aniztasunaren, promozioaren eta ikusgaitasunaren aldeko apustu handia eginez. Baina Estatuko maila goreneko markak ere izango ditugu, gure posizionamendua kanpora begira ere lantzen jarraitzeko, egungo modaren erreferente argi gisa”.

Fashion show direlakoek jarraituko dute izaten udazken-udako Moda Jaialdi honen erakargarri nagusietako bat. “Otaduy Estatuko marka handietako baten presentziarekin, Balenciaga Museoa bezalako ingurune batean; hamargarren urteurrena ospatzen du, gainera, museoak”, gaineratu zuen. Ekitaldiaren arduradunak nabarmendu nahi izan zuen “Mauska, Matsu Studio, Maialen Campaña, Aldabaldetreku Jostundegia eta Alex Vallejo marka bikainek ere" parte hartuko dutela San Telmo Museoan, eta Sophie et Voilà-ren liburu berria merkaturatuko dela. Hori guztia, San Sebastián Shops elkartearen eskutik parte hartuko duten hiriko hogeita hamar bat komertziorekin, Gipuzkoako 25 diseinatzailerekin eta Gipuzkoan saltokiak dituzten nazioarteko dozena bat enpresarekin batera, Garberaren eskutik .Egitaraua egungo eskaintza bezain anitza izango da”.

Maria Jose Telleria Aldundiko Kulturako zuzendariaren esanetan: “Gipuzkoako moda bertako talentu sortzaileak hartzeko gaitasun handia duela erakusten ari da, eta kultura-industria indartsu baten zutabeak ezartzeko gaitasun handiko enpresa, diseinatzaile eta komertzioen gero eta oinarri zabalagoa du gure herrialdean".

Balenciaga Museoko desfileak eta fashion showak

Urriaren 21ean, proposamen bikoitza iritsiko zaigu: Otaduy marka prestigiotsuaren sorkuntzarik ikonikoenak eta Kutxa Kultur Modak sinatutako desfilean parte hartuko duten Gipuzkoako 25 diseinatzaileren presentzia uztartuko ditu egun horrek. “Ospatzeko ordua da. Dagoeneko 10 urte daramagu tokiko talentuaren, moda jasangarriaren eta modaren sektoreko sormena profesionalizatzearen aldeko apustua egiten. Balenciaga Museoan, azkeneko hamar urteotan egitarauan egon diren 25 diseinatzaileren proposamenak ikusi ahal izango dira.Hazten ari garen eta Gipuzkoan sektore honek indarra izan eta panorama nazionalean dagokion lekua hartu nahi duen erakusgarri izango da”, azpimarratu zuen Mikel Mendarte Kutxa Kultur Modako zuzendariak.

Marisol Garmendia, Donostiako Udaleko Ekonomia Sustapeneko eta Merkataritzako zinegotziak, berriz, zera adierazi zuen “pandemiatik irteten ari garen honetan, gure sare ekonomiko eta komertziala indartzeko ordua da. Eta sarea aipatu dudanez, adierazi nahi du Donostia Moda Jaialdia erakusleiho ezin hobea dela negozio eta langile ugari biltzen dituen eta hiriko komertzio txikietan etengabeko isla duen sektore baterako. Moda eta komertzioa beti joan dira elkarrekin eta bide horretan lagundu diegu, Modaren Aste honi batu zaion jarduera berri batean, urriak 20an, performance berezi baten bitartez, Donostiako hogeita hamar bat komertziok hartuko du parte ekitaldi horretan, Kontxako Badiaren gainean”.

‘Gipuzkoan zehar erosketetan’

Jaialdiaren 9 urtetako ibilbidean, lan handia egin dugu tokian tokiko komertzioetan erosteari balioa emateko helburuz. Aurten, pandemiak eragindako ondorioak direla eta, indartu egin dugu lan-ildo hori, eta ‘Gipuzkoan zehar erosketetan’ ekimenaren bigarren edizioa antolatu dugu, besteak beste Eusko Jaurlaritzako Merkataritza, Turismo eta Kontsumo Sailaren lidergoarekin.Javier Hurtado Sailburuak azaldu zuen ‘Gipuzkoan zehar erosketetan' eta antzerako kanpainek "hurbileko komertzioen lan hori eta leku hori nabarmentzea eta hiri-espazioak sortzerakoan komertzio horiek pisu handiagoa izan dezaten lortzea” dutela helburu. Halaber, tokian tokiko produktuekin, 0 Km kontzeptuarekin eta jasangarritasunarekin lotutako kontsumo arduratsuaren inguruko kontzientzia sortu nahi da. Eta zeharkako bi elementu batzen ditu, turismoa eta komertzioa, erosketa-turismo arduratsu baterantz orientatuz”.

Ekimeneko parte-hartzaile guzti-guztiek –1.453, guztira– izan dute aukera, haien erosketa-tiketekin, irailaren 7tik urriaren 2ra Gipuzkoako hurbileko establezimenduetan erosketak egin izana, Eusko Jaurlaritzako Merkataritza Sailak emango dituen 2.500 euroak, Sabadell banketxeak emango dituen 1.500 euroak eta Zumarragako Udalak -Zumerk Zumarrago Merkataritza elkartearen bitartez– emango dituen 500 euroak irabazteko aukera izateko.

Sare Komertzialaren zuzendari Itziar Mahaveren esanetan, "ez da Banco Sabadell banketxeak tokiko komertzioa indartzearen aldeko kanpainetan parte hartzen duen edo era horretako kanpainak bultzatzen dituen lehen aldia. Donostian eta Gipuzkoako herri askotan egin dugu, guretzat hurbileko merkataritza funtsezko sektore egituratzailea baita hiriaren edo herriaren hazkundean edo, kasu honetan bezala, probintzia baten hazkundean. Ekintza honekin, pizgarri gisa emango diren sariekin, ahalik eta inpakturik handiena lortu nahi izan dugu. Hori beti da erakargarri bat, jendeak parte har dezan”.

San Sebastian Moda Jaialdia, klik bitartez

Laura Chamorro Moda Jaialdiaren zuzendariak gogorarazi zuen, bestalde, garrantzitsua dela urriaren 20tik 23ra arteko programazio osoa jarraitzeko dagoen web-plataforma. “Doan eta zuzenean eskainiko dira desfileak, online. San Sebastian Moda Jaialdiaren egitarau osoa eskainiko da, profesionalei zein zaleei zuzenduta, https://www.gipuzkoademoda.com/otono-invierno.php webgunearen bitartez eta, gero ere, nahi duten guztien eskura egongo da material hori.Aurrez aurrekotasuna bai, baina azkeneko urte eta erdian egindako online garapen guztiari muzin egin gabe”, adierazi zuen amaitzeko.