KM-k obesitate teknologikoaren inguruko eztabaida eta Ingurumena, Generoa eta Pobreziaren inguruko hitzaldia antolatu ditu

• “Dietetika digitala: Obesitate teknologikoari buruzko eztabaida, bi aldez aurrez aurre” maiatzak 11 ostiralean Koldo Mitxelenan Victor Sampedro Blanco eta Iñigo Kortabitarteren eskutik
• “Ingurumena, Generoa eta Pobrezia” maiatzak 17 ostegunean Aquarium-en Sylvia Borren-en eskutik.

Koldo Mitxelenak Obesitate Teknologikoaren inguruko eztabaida eta Ingurumena, Generoa eta Pobreziaren inguruko hitzaldia antolatu ditu datozen egunetarako Victor Sampedro Blanco eta Iñigo Kortabitarteren eskutik lehen kasuan eta bigarren kasuan Sylvia Borren-en eskutik.

Egia-ostearen eta sare sozialetako erabiltzaileen datuak baimenik gabe manipulatzen diren garaia oinarritzat hartuta, Koldo Mitxelenak maiatzak 11an komunikazioko bi profesional hartuko ditu bi alde aurrez aurreko eztabaida batean informazio eta komunikazioko teknologien alde onak eta txarrak azaltzeko, 19:30etan Areto Nagusian.

“Dietetika digitala: Obesitate teknologikoari buruzko eztabaida, bi alde aurrez aurre” eztabaida teknologiak eta horren atzean dauden enpresek sorrarazten dizkiguten dilemen inguruan izango da, helburua pertsonen duintasuna eta askatasuna babestuko dituen kultura digital batean gazteei eman beharrezko heziketa eta irtenbideak ematea delarik. Eztabaidaren alde batean “Dietetika Digitala” liburuaren egilea eta Iritzi Publikoan eta Komunikazio Publikoan katedraduna Victor Sampedro Blanco egongo da eta beste aldean, El Diario Vasco egunkariko Garapen eta Berrikuntzako zuzendaria Iñigo Kortabitarte.

Eta Ingurumena, Generoa eta Pobrezia gaien inguruan, Aquarium-ek, maitzak 17an Sylvia Borren hartuko du, Europak eman duen emakume esanguratsu eta polifazetikoena genero eta berdintasunaren, ingurumenaren eta garapenaren aldeko justizia-borroketan. Genero eta berdintasunaren ingurumenaren eta garapenaren aldeko justizia borroken inguruan arituko da, justizia, ongizatea eta berdintasuna helburu berak dituztelarik.

Beste aldetik, “Ingurumena, generoa eta pobrezia” hitzaldiak hiru borroka hauei zentzua ematen die eta bata bestearekin lotzen ditu hirurek baitituzte justizia, ongizatea eta berdintasuna helburu berak.  Sylvia Borren Holandako Greenpeaceko (2010-2017) eta Oxfam Novibeko (1999-2008) zuzendari exekutiboa izan da. Pobreziaren aurkako mundu osoko deialdiaren Presidenteetariko bat ere izan zen eta baita iritzi liderrez osatutako Worldconnectors sarekoa ere. Horrez gain, The New Dialogue Holandako antolaketa plataformaren eta Holandako Foro Sozialaren fundatzaile ere bada, eta baita International Women’s Committee edo Emakumeen Nazioarteko Komiteko presidentea ere.