Kontratazio publiko berdea, lehen pleguak
Kontratazio publiko berdea, lehen pleguak
Jose Ignacio Asensio Ingurumen diputatuak eta Paul Liceaga Adegiko zuzendari nagusiak jardunaldi bat inauguratu dute Ascongi Gipuzkoako eraikitzaileen elkartearekin, Gipuzkoako Foru Aldundiaren pleguetan lehen aldiz sartuko diren irizpide jasangarriak ezagutarazteko.
Jose Ignacio Asensio foru-diputatuak azpimarratu duenez, “hemendik aurrera, emisioak eta baliabideen erabilera eraginkorra bezalako adierazleen arabera hasiko gara eskaintzak baloratzen, baina, era berean, ekonomiaren eta tokiko enpleguaren duen eraginaren arabera”.
Ascongiko 20 kidek baino gehiagok hartu dute parte jardunaldian, eta erosketa eta kontratazio publikoa arautuko duten adierazle ekonomiko, ingurumenekoak eta sozialak aurkeztu dira. Foru diputatuak nabarmendu duenez, “Administrazioak gara obra, produktu eta zerbitzuen erosle nagusiak, eta, beraz, erosketa publiko berderako irizpide berri hauen bidez, gure obra eta erosketa guztien ingurumen-inpaktua murriztuko dugu eta gizarte justuago eta integratzaileagoa eraikitzen lagundu dugu, tokiko ekonomia sustatuz”.
1512